Ўзбекистон Республикаси маданият ва спорт вазирлиги

Альманах - альманах, турли муаллифларнинг асарлари йиғилган тўпламга айтилади.
Амплуа – (фр. сўз бўлиб, фойдаланиш; лавозим деган маъноларни англатади). Актёр имкониятларига мос тушадиган роллар туркими амплуа деган сўз билан ифодаланади.
Амфитеатр – (юн. сўз) Оммавий томошалар, театр спектакллари кўрсатилган бино; томоша зали ( театр, цирк)даги ёки аудиториядаги ярим доира шаклида қия кўтарилиб борувчи ўриндиқлар шу номда ифода этилади.
Анекдот – анекдот, латифа, афанди. Кулгили иш, воқеа, ҳодиса, кулгидан бошқага арзимайдиган кулгили ҳикоя.
Аноним – аноним, номини яширган муаллиф ёки муаллифи номаълум асар ҳақида гапирилганда шу ибора ишлатилади.
Анонс – (фр. сўз бўлиб, оммавий ахборот, эълон деган маъноларни англатади). Гастроль, спектакль, концерт ва шу кабилар ҳақидаги олдиндан тарқатилган эълонни анонс деймиз.
Ансамбль – (фр. сўз бўлиб, бирга, биргаликда; бирлик, уйғунлик, оҳангдошлик деган маъноларни англатади). Театр санъатида: драматург, режиссёр, рассом, бастакор ва актёрлар ижодининг уйғунлигига ансабль сўз мос келади.
Антоним – антоним, бошқа сўз маъносига зид маъно берувчи сўз.
Антракт – (фр. сўз бўлиб, иш, ҳаракат деган маъноларни англатади) Спектакл пардалари орасидаги танаффус. Опера ёки драматик спектакль пардалари, кўринишларига муқаддима ҳисобланадиган мусиқа асари.
Аншлак – нем. сўз бўлиб, афиша, оммавий эълон маъноларини англатади. Театр, кино кассаларида чипталар сотилиб бўлганлиги ҳақидаги махсус эълонга аншлак сўзи қўлланилади. Театр залининг тўлалиги ҳам шу сўз билан ифода этилади.
Арасту (Аристотель) – (мил.ав. 384/383 – 322/321) Юнонистонинг буюк файласуфи, мантиқ илмининг асосчиси, ахлоқ фани – этикага асос солган, барча замонлар олимларининг устози бўлган буюк аллома. У ягона битта асари “Поэтика” (Нафис санъат”) китоби билан санъат илмини яратиб, тарихдан муносиб ўрин олди. Бу китоб жаҳонда юзага келган энг биринчи адабиёт назариясидир. У барча санъат турларини поэзия деб атаб, уни эпос, лирика, драмага бўлган. Бу асар бугунгача ижодий-илмий назарий тафаккурнинг қимматли қарашларини ифода этган буюк ёдгорлик сифатида нодир асар ҳисобланади.


Ария – (ит. сўз бўлиб, қўшиқ деган маънони англатади). Оркестр ёки бошқа мусиқа асбоблари жўрлигида бир киши ижро этадиган (айтадиган) вокал асар, ашула (кўпинча опера, оратория ва шу кабиларнинг таркибий қисмини) ташкил этади.