Ўзбекистон Республикаси маданият ва спорт вазирлиги

Библиография – библиография, китоб ва бошқа нашрларнинг системали илмий тавсифи, рўйхати.
Биография – биография, таржимаи ҳол.


Бурлеска – бўрттирилган (муболағали) ҳажвий тасвир (бадиий асарда, саҳнада)
Бутафория – (ит. сўз бўлиб, ташқарига чиқариб ташла, улоқтир деган маънони англатади). Театр саҳнасида ҳақиқий буюмлар, жиҳозлар (масалан, ҳайкал, мебель, идиш, тақинчоқ каби) ўрнида қўлланадиган ясама нарсалар, воситалар.
Буффонада – театрда, кулгили (қизиқ) театр томошаси; масҳарабозлик, майнабозлик.
Вертеп – диний ва дунёвий мазмундаги томошалар кўрсатган қадимги сайёр қўғирчоқ театри.
Вестибюль – (лот. сўз бўлиб, уйга кираверишдаги майдонча, даҳлиз деган маъноларни англатади). Кино, театр, метро ва ш.к. бошқа жамоат иншоатларининг ичкари қисмига кириш жойидаги катта, кенг саҳн, майдон.
Видеофильм - Видеофильм тасмасига ёзилган фильм.
Водевиль – (фр. сўз бўлиб, Вир дарёси водийси – водивирь” халқ ашулалари тарқалган жой маъносини англатади). Водевиль куплетли қўшиқ, романс, рақс, мусиқа жўрлигида ижро этиладиган, латифасимон мазмунга асосланган енгил комедия. Водевиль охирида унинг ижрочилари томонидан томошабинларга қарата айтиладиган сўнги қўшиқ.
Вокал – (лот. сўз бўлиб, овозли, хушовоз; унли деган маънони англатади). Ашулага, ашулачиликка оид; ашула қилиб айтиш учун мўлжалланган.
Воқеалар ривожи. Бу ибора бош мақсадни белгилайди, у кураш тарихи ва мантиғини гавдалантиради. Шу билан бир вақтда сюжет ва характерларни узвий боғлиқлиги воқеа ривожига олиб келади. Воқеалар ривожи – бу тугун бўлиб қолган муаммоларни ҳал бўлиши йўлидаги хатти-ҳаракат ва курашлардир. Конфликтнинг ечими ҳам воқеаларни ривожига боғлиқ. (Қаранг: Ҳайдар Муҳаммад. Сценарийнавислик асослари. (дарслик), “Musiqa” нашриёти, Т.; 2009).
Гипербола – гипербола, муболаға.
Грим – (фр. сўз бўлиб, юзни бўямоқ деган маънони англатади). 1.
Махсус бўёқлар, ясама соч, соқол ва шу кабилар ёрдамида актёр қиёфасини ўзгартириш санъати. 2. Актёрни муайян қиёфада кўрсатиш учун ишлатиладиган махсус бўёқ, ясама соч, соқол ва шу кабилар.
Гротеск – (фр. сўз бўлиб, ғалати; кулгили деган маънони англатади). Воқеа ва ҳодисаларни атайлаб кучайтириш ёки кичрайтиришдан, кулгили тарзда бузиб кўрсатишдан иборат бадиий усул.