Ўзбекистон республикаси мактабгача таълим

Фаолиятнинг бориши: 
1. Эртакни ёдга олиш. 
2. Кубикларни кузатиш ва таҳлил қилиш. 
3. Қайси эртак сюжетини яратишни режалаштириш. 
4. Кубикли мозаикаларни йиғиш. 
5. Ўзаро суҳбат қуриш. 
Қўшимча: тарбияланувчиларга ҳосил бўлган сюжет асосида ҳикоя тузиш ва эртакни 
айтиб беришни таклиф қилиш.
Алоҳида эътибор қаратилади: болаларни жамоа бўлиб ишлаши, ҳамкорлик жараёнида 
ўзини тутиш маданияти ва бошланган ишни охирига етказиш. 
 
Тил ва нутқ 
Мавзу: Эртак тўқиймиз! 
Мақсад: болалар карточкалар воситасида ўз тасаввурлари орқали эртак тўқийдилар ва 
уни ифодали айтиб бера оладилар. 
Керакли жиҳозлар: турли мавзулардаги расмли карточкалар. 
Фаолиятнининг бориши: 

---

144 
1. Мавжуд расмли карточкаларни кузатиш ва танлаб олиш. 
2. Танлаб олинган карточкаларни бир-бирига мослаб кетма-кетликда қўйиб чиқиш. 
3. Карточкалар кетма-кетлиги бўйича эртак тўқиш ва уни номлаш. 
4.Эртакни дўстларига айтиб бериш. 
Қўшимча: расмли карточкалардан эртак китобини яратишни таклиф қилиш.  
Алоҳида эътибор қаратилади: эртакни образли айтиб бериш. 
 
Санъат
Мавзу:Менинг эртак қаҳрамоним
Мақсад: болалар ўз эртак қаҳрамонларини тавсифлаб бера оладилар ва тавсифланган 
қаҳрамонларининг расмини чизадилар. 
Керакли жиҳозлар:эртаклар қаҳрамонлари расмлари, мўйқалам, рангли қалам, бўёқ, 
идиш, салфетка.
Фаолиятнинг бориши: 
1. Эртак қаҳрамонларининг расмларни кузатиш. 
2. Эртак қаҳрамонларини эслаб уларни тавсифлаш. 
3. Ижодий иш жараёни. 
4. Эртак қаҳрамонлари галереясини ташкил этиш. 
5. Рағбатлантириш.
Қўшимча: яратган қаҳрамони образига киришни таклиф этиш.