Ўзбекистон Республикаси Марказий банки пул-кредит сиёсатининг 2022 йил ва 2023-2024 йиллар даврига мўлжалланган асосий йўналишлари

4. 
Нақд пул билан боғлиқ операциялар. Тижорат банкларининг 
Марказий банкдан нақд пул маблағларининг олиши ёки топшириши 
умумий ликвидликка таъсир этувчи асосий омиллардан бўлиб, 
мавсумийлик характери юқори ҳисобланади. 
Бугунги кунда ЕТТБ ва Чехиянинг “OG Research” консалтинг 
компанияси мутахассислари билан айнан ушбу омилнинг таъсирини 
ARIMA эконометрик модели ёрдамида прогноз қилиш жорий этилмоқда, 
ундаги мавсумийлик ва тренд даражаси атрофлича баҳоланмоқда. 
5. 
Давлат қимматли қоғозлари. Молия вазирлиги томонидан 
муомалага чиқариладиган давлат облигациялари, уларнинг сўндирилиши 
ва купон тўловларининг амалга оширилиши билан боғлиқ операциялар 
умумий ликвидликка таъсир кўрсатиб боради. 
Бунда, Молия вазирлиги томонидан муомалага чиқарилиши 
режалаштирилаётган давлат қимматли қоғозлари бўйича чораклик 
графикни олдиндан эълон қилиш йўлга қўйилганлиги, банклар учун 
ликвидликни бошқаришда ва Марказий банк учун ушбу омил таъсирини 
прогноз қилишда қўшимча қулайлик яратмоқда. 
6. 
Мажбурий захиралаш меъёри ҳисоб-китоби. Марказий банкнинг 
мажбурий захиралаш инструменти бўйича ҳисоб-китоб даври якунида 
амалга 
ошириладиган 
операциялар 
(қўшимча 
захиранинг 
шакллантирилиши ёки қайтарилиши) ликвидликка таъсир этиб, ҳисоб-
китоб даври бўйича графикнинг йил бошида тасдиқланганлиги ушбу 
омил таъсирини прогноз қилиш имкониятини оширади. 

---

Ўзбекистон Республикаси Марказий банки
 
ПУЛ-КРЕДИТ СИЁСАТИНИНГ 2022 ЙИЛ ВА 2023-2024 ЙИЛЛАР
ДАВРИГА МЎЛЖАЛЛАНГАН АСОСИЙ ЙЎНАЛИШЛАРИ
85
 
Ушбу омилнинг таъсири Марказий банк томонидан амалга 
ошириладиган қарорлар ва банкларнинг мажбурий захиралашга 
тортиладиган депозит базасининг ўзгаришига боғлиқ бўлиб, прогноз 
қилиш нисбатан осонроқ ва таъсири кичикроқ омиллардан ҳисобланади.