Ўзбекистон республикаси олий таълим, фан ва инноватсиялар вазирлиги тошкент молия институти

МУСТАҚИЛ ТАЪЛИМНИНГ ТАШКИЛИЙ ТАЛАБЛАРИ
Ўқув сессиясигача бўлган муддатда сиртқи (махсус сиртқи) таълимда ўқиш мустақил, жумладан, масофадан туриб таълим олиш шаклида амалга оширилади.
Бунда талаба методик кўрсатмалардан фойдаланган ҳолда ишчи ўқув режада семестр учун режалаштирилган фанларнинг дастурларида белгиланган мавзуларни мустақил ўзлаштиради. Хар бир талаба учун алохида вазифалар сифатида белгиланган режадаги вариант топшириқларни тўлиқ бажариш ҳамда мазмунли тақдимот қилиш талаб қилинади.


Мустақил таълим бўйича талабалар билимини баҳолаш мезонлари

Талаба фан бўйича топшириқларни бажаргандан сўнг, уни фан ўқитувчисига белгиланган муддатларда (одатда, масофадан туриб Интернет орқали) юборади ҳамда кафедрада сиртқи бўлим талабалари мустақил таълим топшириқларини қайд этиш дафтарида қайддан ўтказади. Фан ўқитувчиси талаба юборган материалларни текшириб, оралиқ иши сифатида баҳолайди. Фан ўқитувчиси мавзулар бўйича навбатдаги топшириқлар ва кўрсатмаларни юбориши, шунингдек, он-лайн режимида ўқув машғулотларини ўтказиши мумкин.

Сиртқи (махсус сиртқи) таълим талабаси ҳар бир семестр давомида бир марта олий таълим муассасасига ўқув сессиясига чақирилади. Бунинг учун унга ўқув сессияси бошланишига қадар (камида 10 кун олдин) белгиланган шаклда хабарнома юборилади.
Талаба семестр учун берилган топшириқларни юқорида белгиланган тартибларда ҳимоя қилади. Талаба томонидан бажарилган мустақил таълим вазифалари 5 баллик тизимда баҳоланади ва оралиқ баҳо сифатида қайд этилади. Фан бўйича барча топшириқлар ижобий баҳоланган тақдирда талабага фан бўйича якуний баҳолашга кириш ҳуқуқи берилади.

Баҳо	Талабанинг билимига қўйилган талабларнинг асосланиши
5 (аъло)	талаба мустақил таълим топшириқларини моҳиятини тушунса ва тегишли кўникмалар асосида бажара олса, вазифалар аниқ бажарилган бўлса, ижодий фикрлай олса, мустақил мушоҳада юритса, ўзлаштирган билимларини амалда қўллай олса, мустақил иш бўйича тасаввурга эга деб топилганда;