Збекистон республикаси олий

Афғон шамоли – шарқий Қорақум, Ўзбекистон ва Тожикистоннинг жанубида кузатиладиган ғарбий ёки жануби-ғарбий жуда кучли чангли шамол . У Термизда йил давомида 70 кун кузатилади . Афғон шамоли Турон пасттекислигига шимоли-ғарбдан совуқ ҳавонинг кириб келиши билан боғлиқ равишда ҳосил бўлади . Шамолнинг сусайишида босимнинг кескин ортиши ва ҳавонинг бироз совиши юз беради .
KўKон шамоли – Фарғона водийсининг ғарбий қисмидаги кучли (20-30 м/с гача) ғарбий ёки жанубий-ғарбий шамол . У Қўқонда йил давомида 85 кун кузатилади . Қўқон шамоли циклон ортидан совуқ арктик ҳавонинг жанубий кенгликларга кириб келишида ҳосил бўлади .
Самум – Кичик Осиё, Арабистон, Саҳрои Кабир чўлларида, Ўртаер денгизининг жанубий соҳиллари, Африканинг шимоли-ғарбий соҳиллари ва Марокашда тўсатдан бошланувчи иссиқ, қуруқ чанг бўронидир . Самум Ўртаер денгизи бўйлаб шарққа ҳаракатланувчи циклоннинг илиқ секторида ҳосил бўлади ва фаол атмосфера фронтига боғлиқ. Самумнинг ҳосил бўлиши шунингдек термик депрессияда кучли конвекциянинг ривожланиши билан ҳам боғлиқ бўлади .
^{8.9. Қасирrа ва чангли бўронлар}
Қасирға ва кичик масштабли уюрмалар - қуюн, тромб, торнадоларни маҳаллий циркуляциянинг кўринишлари деб ҳисоблаш мумкин .
а . Kасирға – қисқа вақт давомида тезлиги ва йўналиши бирдан кескин ўзгарувчи шамол . Қасирғада шамол тезлиги кўпинча 20-30 м/с дан ортади . Одатда қасирға бир неча минут давом этади . Баъзида шамол тезлиги ва йўналишининг кескин ўзгариши такрорланади . Қасирғада атмосфера босими (барограммада ўзига хос кўнгура – момақалдироқ бурни ҳосил бўлади) ва нисбий намликнинг сакраши ҳамда ҳароратнинг тез пасайиши юз беради . Қасирға вақтида кўпинча жала ва момақалдироқ кузатилади .
Масса ичи ва фронтал қасирғалар фарқланади . Масса ичи қасирғалари қуруқлик устидаги иссиқ ёз ҳавосида ёки илиқ тўшалган сирт устидаги нотурғун стратификацияланган совуқ ҳаво массаларида ҳосил бўлувчи кучли конвектив булутлар – ёмғирли тўп-тўп булутлар билан боғлиқ. Фронтал қасирғалар асосан совуқ атмосфера фронтларидаги фронтолди ёмғирли тўп- тўп булутлари билан боғлиқ . Иккала ҳолда ҳам булут ва унинг остида ҳавонинг горизонтал айланиш ўқи атрофидаги уюрмавий ҳаракати кузатилади .
МДҲда кузатиладиган қасирғаларнинг атиги 10%и масса ичи қасирғаси ҳисобланади, қолганлари асосан фронт билан боғлиқ бўлади . Қасирғаларни 10-30 с давом этувчи бирдан кучаядиган шамоллардан фарқлаш керак . Атмосферадаги асосий ҳаво оқимларига орографиянинг таъсири натижасида ҳосил бўладиган орографик қасирғалар фарқланади . Булар бора ва фёндир .
Кузатилаётган об-ҳавога боғлиқ равишда оK Kасирға (тўшалган сирт хусусиятларига боғлиқ ҳолда ҳаво оқимларининг ўзаро таъсирида уларнинг деформациясига олиб келувчи динамик сабаблар асосида ҳосил бўлади), Kора Kасирға (ёпиқ об-ҳаво кузатилади), KуруK Kасирға (ҳавонинг қуруқлиги сабабли ёғинлар ер сиртига етиб келмайди), момаKалдироK Kасирғаси (момақалдироқ олдидан ва унинг ўтиш вақтида бирдан кучаядиган шамолнинг кучли зарбаси кузатилади), чангли Kасирға ва бошқалар фарқланади . Ёзда кучли конвекция билан боғлиқ бўлган қасирғалар ҳатто нисбатан қуруқ ҳавода ҳам момақалдироқ бериши мумкин . Бу ҳолларда ёғинлар ер сиртига етиб келмайди .
Жанубий кенгликлар ва тепаликларда шимол ва текисликларга нисбатан қасирғалар кўпроқ учрайди . Масалан, Жанубий Урал, Волгабўйи, Ўртарус, Волино-Подольск тепаликларида, Қрим яйлалари ва мураккаб орографияли бошқа жойларда қасирғаларнинг катта такрорланувчанлиги кузатилади . Энг кўп қасирғалар тоғ ҳудудларида – Кавказ, Тян-Шан, Яблон тоғ тизмаларида ҳосил бўлади . Бу жойларда йил давомида 80 тагача қасирға бўлади .
б . Кичик масштабли уюрмалар - Kуюн, тромб, торнадо – кучли вайрон қилувчи уюрма бўлиб, бир неча метрдан бир неча юз метргача (кам ҳолларда 1-3 км) диаметрли деярли вертикал (эгилган) ўққа эга бўлган қора устун кўринишидаги кучли ёмғирли тўп-тўп (она) булутдан ергача тушади . Баъзида деярли горизонтал ўқли ёйсимон қасирға ҳосил бўлади .
Қуюн қутбий кенгликлардан бошқа ҳамма кенгликларда учрайди . Қуюнлар катта такрорланишга эга бўлган ҳудудлар маълум . Масалан, АҚШнинг марказий штатлари ва Қозоғистондаги Маркансу водийси (Қуюнлар водийси).
Қуюннинг қаерда ҳосил бўлиши ва нимани сўриб олишига (чанг, қум ёки сув) боғлиқ ҳолда чангли, қумли ва сувли қуюнлар фарқланади .
Чангли ва қумли қуюнлар асосан чўл ва даштларда кузатилади ва кўпинча ёмғирли қатламли булутлар билан боғлиқ бўлмаслиги билан ўрта кенгликлар қуюнларидан фарқ қилади .
Қуюнларнинг шакли турли-туман: хартумсимон, устунсимон, илонсимон, буқасимон, арқонсимон, конуссимон, ёйилган, ер бағирлаб ёйилган ва зич шакллари мавжуд . Бу шакллар қуюннинг ривожланишига ва уларни ҳосил қилган булут ва ҳаво оқимининг тузилишига боғлиқ равишда ўзгаради .
Қуюнлар асосан қуйи тропосферадаги ҳукмрон шамол йўналишида одатда 10-20 м/с тезлик билан мураккаб эгри чизиқ бўйлаб ҳаракатланади . Уларнинг ҳаракати тўлқинсимон бўлиб, гоҳ кўтарилади, гоҳ тушади . Якка қуюн йўлининг узунлиги ўртача 5-10 км ни, у вайрон қилган ҳудуднинг эни бир неча ўн метр, узунлиги эса бир неча юз метрни ташкил қилади . Қуюн таъсирига тушган жами ҳудуднинг узунлиги юзлаб километрга етиши мумкин .
Қуюннинг ўқи бўйлаб атмосфера босимининг тез, кескин ва кучли пасайиши (100-200 гПа дан кўп) кузатилади . Натижада қуюн дарё ёки кўл
сувини ўзига сўриб олувчи кучли насосга айланади . Қуюнларда унинг воронкаси деворида шамолнинг катта тезлигига сабаб бўлувчи 10 гПа/100 км гача бўлган босим градиентлари ҳосил бўлади . Бу вақтда қуюн атрофида штил кузатилиши мумкин . Қуюндаги айланма ҳаракат соат мили бўйлаб ҳам, унга қарама-қарши йўналишда ҳам юз бериши мумкин .
Қуюн ҳосил бўлиши иссиқ вақтда тропик ҳаводаги атмосферанинг кучли нотурғун стратификацияси билан боғлиқ . Бундай ҳолат, масалан, АҚШнинг дашт ҳудудларига Мексика кўрфазидан нам ҳаво чиққанида, шунингдек кучли исиган Украина даштларига жанубий оқимлар билан Ўртаер ва Қора денгизларидан нам ҳаво келганида кузатилади . Қуюнлар одатда тўлқинсимон совуқ фронтларда ёки унинг олдида, кучли ёмғирли қатламли булутлар системасининг жануби-шарқий чеккасида ривожланади . Сувли қуюнлар ёмғирли қатламли булутлар билан боғлиқ .
Қуюн ривожланишининг қуйидаги босқичлари мавжуд: термик, уюрманинг шаклланиши, ривожланган қуюннинг ҳосил бўлиши, сўниш .
в . Чангли бўрон – бу ўрта ва кучли шамоллар билан ҳавога кўтарилган кўп миқдордаги чанг ва қумларнинг силжишидир . Бу ҳодиса юз берганида кўринувчанликнинг кучли ёмонлашиши кузатилади .
Чангли бўронлар, одатда, қурғоқчил об-ҳавода шамол кучайишида юзага келади . Чангли бўронларнинг пайдо бўлишига тупроқ тузилиши ва намланганлик даражаси, ўсимликлар қопламининг мавжудлиги ва орография катта таъсир кўрсатади . Бу омилларга боғлиқ равишда чангли бўрон қамраб олган ҳудуднинг горизонтал ўлчами бир неча юз метрдан юзлаб киломертгача ўзгариши мумкин .
Чангли бўронлар, одатда, йилнинг илиқ даврида юзага келади . Агар қор қоплами юпқа ёки умуман бўлмаса, улар қишда ҳам кузатилиши мумкин . Бундай “қора бўронлар” паст ҳароратли ва куздан бошлаб тупроқларнинг намланганлиги етарли бўлмаган йилларда Шимолий Кавказ ва Украина жанубида кузатилади .
Чангли бўронларнинг давомийлиги 15 минутдан бир неча суткагача бўлиши мумкин .
Чангли бўронларда атмосферага кўтарилган чанг ва қумларнинг миқдори бир неча млн . тоннагача етиши мумкин . Масалан, 1928 йил 27-28 апрелда Украина жанубида кузатилган «қора бўронда” таҳминан 1 млн . км ² майдондан 15 млн . тоннага яқин қора тупроқли чанг ҳавога кўтарилган . Қум ва чанг 9-10 км ва ундан ҳам баландроқ кўтарилиши мумкин . 1968 йил 16 январда Эрондан Ашхободга 34 м/с тезликли шамол билан келган чанг булутининг баландлиги 9 км га етган . Бу чангли бўрон давомида ҳар бир гектар ерга 20-30 тонна чанг ва қум тушган . Эркин атмосферада чанг заррачаларининг тўплами ердан кўринадиган ғубор қатламини ҳосил қилади . Бу қатламлар самолётдан ҳам яхши кўринади .
Чангли бўронлар Африка, Америка ва Осиёдаги чўл ва чала чўлларнинг улкан майдонларини эгаллайди . Ўрта Осиёда чангли бўронлар Қорақум ва Қизилқум, Копетдоғ тоғи этакларида, Каспий денгизининг шимолий ва шарқий қирғоқларида, Орол денгизи қирғоқларида кузатилади .
Чангли бўронлар атмосферани кучли ифлослантиради, иқтисодиётнинг турли тармоқларига, биринчи навбатда қишлоқ хўжалигига катта моддий зарар келтиради .