Ўзбекистон республикаси олий ва ўрта махсус таьлим вазирлиги термиз давлат университети

IQTISODIYOT VA TURIZM FAKULTETI
“IQTISODIYOT VA MENEJMENT” KAFEDRASI

5231700 – “Kadrlar menejmenti” ta’lim yo’nalishi 3-kurs talabalari uchun ishlab chiqarish malaka amaliyoti

DASTUR VA USLUBIY KO’RSATMA

Termiz – 2020y.

Uslubiy ko’rsatma “Iqtisodiyot va menejment” kafedrasining 2020 yil 26-avgustdagi № 1-sonli yig’ilishida muhokamadan o’tgan va fakultet kengashida muhokama qilish uchun tavsiya etilgan.

Kafedra mudiri: _______________________PhD T.A.Mamadjanova

Uslubiy ko’rsatma Iqtisodiyot va turizm fakuleti Kengashining 2020 yil 27-avgustdagi №1 – sonli majlisida muhokamadan o’tgan va universitet o’quv-uslubiy Kengashida muhokama qilish uchun tavsiya etilgan.

Fakultet Kengashi raisi:_____________________ Z.O.Samadov
Ushbu uslubiy ko’rsatma Termiz davlat universiteti “Iqtisodiyot va turizm” fakulteti “Iqtisodiyot va menejment” kafedrasida tayyorlandi.

Tuzuvchilar: Ch.P.Xo’jakeldiyev

G.Yusupov
Sh.Ismatov
B.E.Turayev

Taqrizchi: A.Q.Mirzayev

© Termiz davlat universiteti 2020 y.


KIRISH
Mazkur dastur va uslubiy ko’rsatma “Ta’lim to’g’risida”gi qonun hamda Kadrlar tayyorlash milliy dasturi talablaridan kelib chiqgan holda 5231700 – “Kadrlar menejmenti” ta’lim yo’nalishi Davlat ta’lim standartiga hamda “O’zbekiston Respublikasi oliy ta’lim muassasalari talabalarining malakaviy amaliyoti haqidagi Nizom” ga (OO’MTV 1998 yil 30 oktyabr 305-sonli buyruq bilan tasdiqlangan), O’zbekiston Respublikasi Oliy va o’rta maxsus ta’lim vazirligining 2011 yil 16 sentyabrdagi №387-sonli buyrug’iga asosan ishlab chiqildi.
Bugungi kunda zamon talablariga javob bera oladigan mutaxassis kadrlarni tayyorlash, Davlat ta’lim standartlari asosida ta’lim berish va uning barcha tarkibiy tuzilmalarini takomillashtirib borib, nazariy bilimlarini amaliyot bilan bog’lashdek dolzarb masalalardan biridir.
Mutaxasislik fanlar bo’yicha bilimlar majmuasini o’zlashtirgan, nazariy va amaliy mashg’ulotlar uzviyligida malaka hamda ko’nikmalarni mukammal shaklantirishda, yetuk kadr bo’lib etishishda tanishuv amaliyotining o’rni beqiyos hisoblanadi. Shu bilan birga, yosh iqtisodchi – mutaxassislarni real ishlab chiqarish sharoitlariga tayyorlash eng muhim shartlardan biri hisoblanadi. Mazkur dastur va uslubiy ko’rsatma iqtisodiyotni modernizatsiyalash va diversifikatsiyalash sharoitida 5231700 – “Kadrlar menejmenti” ta’lim yo’nalashi bo’yicha 4-kurs talabalari tanishuv amaliyotini tashkil etishning asosi hisoblanadi.
Tanishuv amaliyotini o’tash talabada nazariy bilimlarini yanada mukammal darajada amaliyot bilan bog’lashga hamda kelgusida ilmiy tadqiqot ishlari bo’yicha ma’lumotlarni to’plab, tayyorlab borish imkoniyat yaratib, yoshlarni yetuk kadr hamda o’z sohasining mukammal mutaxassisi bo’lishga olib keladi.