Ўзбекистон республикaси олий вa ўртa мaхсус тaълим вaзирлиги қaрши дaвлaт университети

Эксперимент учун жиҳозлар. Эксперимент ўтказишдан олдин ҳар бир текширилувчи учун Бурдон-Анфимовнинг жадвалидан тайёрлаб қўйиш лозим бўлади. Ушбу бланкларда рус алифбосидаги стандарт ҳарфлар тўплами ўрин олган. Бланк ҳар бирида 30 ҳарфдан ва 40та қатордан иборат. Экспериментаторда дастурий бланк ва секундомер бўлиши лозим. Тажриба олдидан ҳар бир текширилувчига натижаларни қайд этиш бланки тайёрланади (6-шакл).
Ишнинг амалга ошириш тартиби: Машғулот гуруҳий ўтказилади. Уни ўқитувчи ёки унинг ёрдамчиси ўтказиши мумкин. Экспериментатор ҳар бир текширилувчига тайёр стандарт бланкни тарқатади ва йўриқнома билан таништиради.
Текширилувчи учун йўриқнома: «Бланкдаги қаторларнинг ўнг ва чап томонини қараб чиқиб, сиз «р» ва «к» ҳарфларни вертикал тарзда чизишингиз керак. Топшириқни тез ва аниқ бажаринг. Менинг «Чизинг» буйруғимдан кейин, сиз топшириқда кўрсатилган ҳарфни ўчириб бошланг ва уни то менинг кейинги буйруғимга қадар давом эттиринг. Шундай қилиб, бланкнинг охиригача топшириқни бажариб боринг».
Тажриба давомида экспериментатор 30 секунд оралиғида «чизинг» сўзини айтади ва қайд этиб боради. Тажрибанинг 2-ва 4-минутларида экспериментатор текширилувчиларни огоҳлантирмасдан, уларга халақит беради ва 15 секунд давомида алифбосидаги қандайдир ҳарфларни овоз чиқариб айтади. Тамғаларни тузатиш бланки 5 минутга мўлжалланган.
Ҳар бир текширилувчи топшириқни бажарганлик натижаларини ўзи қайд этади ва уларни протоколда ёзади.
Натижаларни қайта ишлаш.

1. 
   Экспериментаторнинг дастури билан тузатиш бланкидаги натижалар ўзаро солиштириб чиқилади.
   
2. 
   Вертикал чизиқ -белги бўйича корректур бланкидаги вақт оралиқлари (Т-Т) ҳисоблаб чиқилади.
   
3. 
   Ҳар бир вақт оралиғидаги тўғри жавоблар (м) миқдори ҳисоблаб чиқилади.
   
4. 
   3.1-машғулотда келтирилган формулага мувофиқ алоҳида ҳар бир вақт оралиғи (С-С) учун танлаш тезлиги (С) кўрсаткичлари аниқланади.
   
5. 
   1ва 2 халақит бериш таъсирларигача бўлган диққатнинг аниқлик коэффициенти ҳисоблаб топилади.
   
6. 
   Диққатни тўплаш кўрсаткичнинг қиймати аниқланади (К ва К).
   
7. 
   Экспериментатор билан биргаликда К ва К нинг ўртача қиймати гуруҳнинг барча текширилувчилари учун аниқланади.