Ўзбекистон республикаси олий ва ўрта махсус таълим вазирлиги бухоро муҳандислик- технология институти

6.2.4-расм. Листочкали қирқма тепа чўнтакни тикиш. 
Бу чўнтаклар детал чокларида, бўртмаларда жойлашган бўлади. Улар 
листочкали ёки листочкасиз бўлади. 
Чокдаги листочкали чўнтакларни тикиш 
Бу чўнтакларни тайёрлаш 2 босқичдан иборат: 
1. Листочка тайёрлаш 
2. Чўнтакни тикиб йиғиш 
Устки ва остки листочкалар яхлит ва алоҳида бичилган бўлиши мумкин. 
1. Яхлит бичилган листочкада букилиш чизиғи белгиланади. Белгиланган 
чизиқ бўйлаб қотирма уланиб, листочканинг ён четлари тикилади, бурчакларидаги 
чок ҳақлари кесилади ва листочка юз томонга ўгирилади. Листочка дазмолланади 
ва четларига безак бахяқатор юргизилади. 
2. Тайёр листочка чўнтак халтанинг бир қисми билан кенглиги 10 мм. чок 
билан олд бўлакка уланади (6.2.5-расм,чок 1), чок олд бўлак томон дазмолланади. 
Ён бўлакка чўнтак халтанинг иккинчи қисми кенглиги 7 мм. бўлган чок билан 
уланади (чок 2). Олд ва ён бўлаклар бирлаштириб тикилади (чок 3), чўнтак халта 
кенглиги 10 мм. чок солиб тикилади (чок 4). Листочка учлари олд бўлакка 
бостириб тикилади (чок 5). Тайёр чўнтак дазмолланади. 

---

 
 
 
 
 
3-расм. Чокдаги листочкали чўнтакни тикиш. 
Чокдаги листочкасиз чўнтакни тикиш 
Олд бўлакнинг чўнтак тикиладиган жойига чўнтак зийини чўзилишдан 
сақлаш учун елимли уқа ёпиштирилади. Олд бўлакка қотирма уланган бўлса, уқа 
қўйилмайди. Олд бўлак қирқимига чўнтак халтанинг бир бўлаги 0,7 см. 
кенгликдаги чок билан бириктириб тикилади ( 6.2.6-расм, чок 1). Белгиланган 
чизиқ бўйлаб олд бўлак букилиб дазмолланади. Ён бўлакка чўнтак халтанинг 
иккинчи бўлаги 0,7 см. кенгликдаги чок билан тикилади ( чок 2 ). Олд ва ён 
бўлак улангандан кейин, олд бўлакнинг букилган қисми устидан безак бахяқатор 
юритилади ( чок 3). Чўнтак халта тикилади ( чок 4 ). Тайёр чўнтак дазмолланади. 
Қуйидаги кейс –ўқувчларнинг дунёкарашини кенгайтириш, чўнтак бичиш ва 
тикиш муаммоларга ечимларни излаб топишга имконият яратади.
Ушбу кейсни муваффақиятли амалга ошириш учун мавзу бўйича , чўнтак 
бичиш ва тикиш ҳақида билим ва кўникмаларга эга бўлиш зарур. 
Кейс ечими орқали қўйидаги натижаларга эришиш мумкин: 
 ўзлаштирилган мавзу бўйича билимларни мустаҳкамлаш; 
 муаммонинг ҳамда қабул қилинган ечимнинг гуруҳий таҳлилида билим ва 
кўникмаларни қайта топшириш; 
 мантиқий фикрлашни ривожлантириш; 
 мустақил равишда қарор қабул қилиш кўникмаларини эгаллаш; 
 ўқув ахборотларини ўзлаштириш даражасини текшириб кўриш. 
Кейсда асосан уст кийимлар чўнтагини тикиш жараёни ҳақида маълумотлар 
келтирилган. 

---