Ўзбекистон республикаси олий ва ўрта махсус таълим вазирлиги бухоро муҳандислик- технология институти

МУАММОЛИ ВАЗИЯТ 
Листочкали қирқма чўнтакнинг технологик тикилиши, рамкали қирқма 
чўнтак тикиш технологиясига ўхшасада, лекин айрим қўшимча бўлакларига 
ишлов бериш керак.
Листочкали қирқма чўнтакни тикиш учун, аврадан листочка қирқиб олинади. 
Унинг узунлиги (130-150 мм) 40 мм қўшилади: чўнтакнинг ҳар икки томонидан 20 
мм дан. Баландлиги эса 50-70 мм га тенг. Шундай узунликда, баландлиги эса 2 
баробар калта қилиб кўринма қирқиб олинади. Кўринмага ҳам листочкага ҳам, 
қотирма билан ишлов берилади.
Астарли газламадан ёки асосий газламадан 2 та бир хилда чўнтак халта 
қирқилади, ўлчамлари: кенглиги листочка кенглигига тенг, баландлиги эса чўнтак 
чуқурлигига 150-170 мм Қ 50-60 мм га тенг.
Бундай чўнтакни тикиш 3 босқичдан иборат:
1. Листочка тайёрлаш 
2. Чўнтак халта тайёрлаш
3. Чўнтакни йиғиб тикиш.
1. Яхлит бичилган листочка икки букланиб дазмолланади. Ҳосил бўлган 
букилиш чизиғи бўйлаб листочкага қотирма ёпиштирилади. Листочка икки 
букланиб, ён қирқимлари тикилади. Бурчакларидаги чок ҳақлари кесиб 
ташланади. Листочка юз томонига ағдарилади. Тайёр листочкага чўнтак халтанинг 
1 қисми уланади.
2. Чўнтак халтаниннг 2-қисмига кўринма 7 мм кенгликдаги чок билан 
уланади.
3. Олд бўлакка чўнтак ўрни 3 та чизиқ билан белгиланади. Белгиланган чизиқ 
бўйлаб листочка олд бўлакка уланади Кўринма олд бўлакка листочка уланган 
чокдан 10 мм масофада уланади. Олд бўлак бахяқаторлар орасида чўнтак учларида 
10-15 мм, бахяқаторлар томонига 2 мм етказмай қирқилади.
4. Чўнтак халталар тескари томонга ағдарилиб, бириктириб тикилади. 
Листочка учлари олд бўлакка синиқ бахяқатор билан бостириб тикилади. Тайёр 
чўнтак дазмолланади.

---

2-расм. Олд бўлакнинг пастки қисмида листочкали қирқма 
чўнтакнинг тайёр кўриниши