Ўзбекистон республикаси олий ва ўрта махсус таълим вазирлиги эргашходжаева Ш. Ж., Қосимова М. С

1.1-жадвал
Маркетингни ривожланиш тарихи

Йиллар	Маркетингда рўй берган ўзгаришлар
1902 йил	АҚШ да мустақил равишда маркетинг курсини ўқитиш бошланди.
1908 йил	Илк бор тижорат маркетинг ташкилоти тузилди. АҚШнинг йирик саноат компанияларида биринчи маркетинг бўлимлари ташкил этилди.
1920 йил	Халқаро савдо палатаси ташкил топди.
1926 йил	АҚШда Миллий маркетинг ва реклама ассоциацияси ташкил топди; унинг асосида кейинчалик Америка маркетинг жамияти тузилди ва у 1973 йилда Америка маркетинг ассоциацияси деб қайта номланди.
1930-1940 йилларда	Дунёнинг кўпгина иқтисодий ривожланган давлатларида миллий маркетинг ассоциациялари ташкил топди.
1950-1960 йилларда	Халқаро маркетинг федерацияси, Жамоатчилик фикрлари масалалари ва маркетинг бўйича Европа жамияти ҳамда Европа маркетинг Академияси каби халқаро маркетинг ташкилотлари тузилди.
1980 йилларнинг иккинчи ярмида	Мамлакатимизнинг иқтисодиёт йўналишидаги олий таълим муассасаларида маркетинг курси ўқитила бошланди.
1990 йилларнинг охирларида ва ҳозирги кунларда	Мамлакатимизда маркетинг бўйича хорижий адабиётлар ўзбек тилига таржима қилинган ҳолда ва шу фан бўйича дарслик, қўлланма ҳамда рисолалар Ўзбекистонлик муаллифлар томонидан кўплаб чоп этилмоқда.

Ўтган асирнинг 60-йиллар ўртасида энг йирик Америка корпорацияларининг барчаси ўз хўжалик фаолиятида маркетингнинг асосий талабларини қўллай бошлади. Ғарбий Европа ва Японияда маркетинг ғоялари АҚШга қараганда сустроқ жорий қилинди. Аммо 60-йилларнинг охирига келиб улар маркетинг амалиётини тезкорлик билан ўзлаштиришга киришдилар ва бунда муҳим ютуқларга эришдилар.

Америка модели бўйича маркетинг фаолияти биринчи навбатда корхонани мақсад ва вазифаларига эришишга қаратилади ҳамда иккинчи навбатда эса истеъмолчиларни эҳтиёжини қондиришга қаратилади.
Япон модели бўйича маркетинг фаолияти энг аввало истеъмолчиларни ҳоҳиш – эҳтиёжини қондириши керак.
Япон маркетингининг асосий мақсади – истеъмолчига хизмат қилиш, Америка маркетинги учун эса, мақсадга эришиш учун ҳамма воситалардан фойдаланиш мумкин.
Маркетинг анъанавий савдо усулларидан фарқли ўлароқ аниқ мақсадларни кўзлайди, хўжалик вазифаларини эса яққол ифодалайди; корхона шундай сифатли маҳсулот тайёрлаши лозимки, уни сотиш қулай бўлсин. Дарҳақиқат, маҳсулот ишлаб чиқарилгани билан у албатта фойда келтиради деган маънони ҳали асло билдирмайди. Илгари хўжалик раҳбарларининг вазифаси асосан жами ресурсларни ишлаб чиқариш талаблари билан мувофиқлаштиришдан иборат эди, яъни корхона ўзи хоҳлаган маҳсулотни ишлаб чиқарар ва ҳамма эътиборини уни сотишга қаратар эди. Маркетингнинг мақсади эса бозорнинг мавжуд ва келгусида эҳтимол тутган имкониятларини аниқлаш ҳамда сифат жиҳатидан тўғри баҳолашдан, сўнгра унга таяниб, бутун кучини ўз маҳсулотига қизиқиш ва эҳтиёжни кучайтиришга, харидорга маҳсулотни, шунингдек кўрсатиладиган тегишли химат турини танлаш имконини яратган ҳолда, маҳсулотни сотишга қаратишдан иборат.
Замонавий маркетингни даври ўтган асрнинг 1995 йилларидан бошланди. Шу даврдан бошлаб маркетинг – мураккаб ижтимоий – иқтисодий жараён сифатида ўрганилмоқда.
Ҳозирги вақтда АҚШ ва ривожланган мамлакатларда маркетинг масалалари бўйича жуда кўп тадқиқот фирмалари фаолият олиб бормоқда. Шунингдек, маркетинг муаммоларини тадқиқ қилишни тижорат бошқаруви асосида университетлар ҳам, савдо-саноат ассоциациялари, давлат ташкилотлари ва хизматлари ҳам шуғуллана бошлади.
1972 йилда Ф. Котлер микромаркетинг ва макромаркетинг тушунчаларини асослаб беради. 1976 йилда Шелби Хант маркетинг айирбошлаш жараёни ҳақида илм ҳисобланишини кўрсатди.
ХХ асрнинг 80-йиллар охири 90-йиллар бошларида маркетингни глобаллаштириш жараёни кузатилди. Шунингдек, 1990 йилда Австралиянинг Канберра шаҳрида «Маркетинг – бу ҳамма нарса», «Маркетинг бизнесни англатади» шиори остида глобал маркетинг бўйича Халқаро конференция бўлиб ўтди.
Ҳозирги даврда жаҳон иқтисодиётида саноат даври ахборот даврига ўрин бўшатиб бермоқда. Бу жаҳоннинг барча ривожланган давлатларида кузатилмоқда. Тез ўзгарувчан бозор шароитлари, нархсиз рақобат усулларининг ривожланиши, ишлаб чиқариш юксак даражада чаққон мослашувчан, якка истеъмолчига мўлжалланган, ҳажми кичик бозор соҳалари, бозор сегментлари ва айрим «сўқмоқ»ларнинг кўплиги унга хос хусусиятлардир. Айни пайтда ишлаб чиқаришнинг ихтисослашуви шундай даражага етдики, бир бозорнинг оралиқ сегментларида бўш макон жуда кам қолади. Натижада бозор рақобати янада шиддатли тус олади. Аммо бу жараён нарх омили негизида эмас, балки рақобатнинг янада такомиллашган усул ва шакллари пайдо бўлиши натижасида юз беради.
Товарнинг «ҳаётий цикли» мисли кўрилмаган даражада қисқаради. Ҳозирги даврда етакчи япон электрон фирмалари бозорга ўртача ҳар уч ойда бир марта микросхемаларнинг янги турини чиқаради. Маҳсулотлар ассортиментнинг хилма-хиллиги ортди, бир хил буюмларни кўплаб ишлаб чиқариш камайди, яъни тўп-тўп қилиб уюб ташлаш тажрибасидан воз кечилмокда. Товар сифатига эга бўлган маҳсулотлар мазмуни ўзгарди. Энди яхши маҳсулот чиқариш билангина иш битмайди, рақобатга дош бериш учун сотувдан кейинги даражасини, фирма кўрсатадиган қўшимча сервис хизматлари сифатини тубдан яхшилаш зарур.
Корхоналар харажатларини оддий камайтириш йўлларини ўйлабгина қолмай, айни пайтда товарларни сотиш ва ўтказиш, даромадларни муттасил кўпайтириш соҳаларига кўпроқ эътибор беришга мажбур. Маҳсулот сотишга янги бозорлар, муайян афзаллиги туфайли маҳсулот ўзига жалб этадиган янги харидорларни қондириш лозим. Бу ишларни ҳозирги замон маркетингига таянибгина амалга ошириш мумкин. Корхонанинг омон қолиши иқтисодий, илмий-техникавий, конъюнктура-тижорат, ижтимоий ва бошқа ахборотларни ўз вақтида олиши каби омиллардан усталик билан фойдаланиш натижасида таъминланади.

3. 
   Маркетинг назарияси концепцияси ва унинг эволюцияси
   

Маркетинг концепцияси (маркетинг фаолияти концепцияси) – бу шундай йўл ёки ёндашувки, унинг асосида корхона ўзининг маркетинг фаолиятини юргизади.

Маркетинг концепцияси режалаштирилаётган ва амалга оширилаётган фирма фаолиятининг стратегик таҳлили асосида ишлаб чиқилади. Маркетинг концепциясини ишлаб чиқиш одатда қуйидаги босқичларни қамраб олади:

• 
  ички ва ташқи муҳит стратегик таҳлилини амалга ошириш;
  
• 
  маркетинг фаолияти ва корхонанинг мақсадларини аниқлаш;
  
• 
  маркетинг стратегиясини аниқлаш;
  
• 
  режалаштирилаётган натижаларга эришиш мақсадида маркетинг фаолияти элементларини танлаш.
  

Маркетинг концепцияси ишлаб чиқариш ва таклиф этилаётган товарларга бўлган талабни ривожланиш даражасига боғлиқлиги жиҳатидан эволюцион тараққиёт босқичини кечди.
Маркетинг концепцияси ҳақида қуйида расм ва жадвалларда маълумотлар берилган.
Қуйидаги 1.2-расмда маркетинг концепциясининг таърифи келтирилган.



Бу бошқарув фалсафасидир. У эса, товар ишлаб
чиқарувчиларга истеъмолчиларнинг эҳтиёжларини
қондириш натижасида фойда олишлари учун ёрдам
беради.
Бунинг учун ҳар куни ва узоқ муддат давомида қуйидагиларга диққат эътиборни жалб этиш лозим:

• 
  тадбиркорлик фаолиятини фаоллаштиришга;
  
• 
  бозорга;
  
• 
  истеъмолчиларнинг мақсадли гуруҳларига;
  
• 
  бош стратегик мақсадларга.
  

Маркетинг концепцияси