Ўзбекистон республикаси олий ва ўрта махсус таълим вазирлиги мирзо улуғбек номидаги ўзбекистон миллий университети титриметрик анализ усуллари

ТИТРИМЕТРИК АНАЛИЗДА НАТИЖАЛАРНИ

ҲИСОБЛАШ

Титриметрик анализ методларида натижаларни ҳисоблаш эквивалентлар қонунига асосланган. Берилган реакцияда модданинг 1 грамм-атом водород ёки истаган бир валентли элементнинг 1 грамм-атомига тўғри келадиган қисмига модданинг эквиваленти дейилади. Эквивалент миқдорга тўғри келадиган граммлар сонига модданинг грамм-эквиваленти дейилади.

1 л эритмада эриган модданинг эквивалентлар сонига эритманинг нормаллиги дейилади. Масалан, 1 л эритмада 1 г-экв модда эриган бўлса 1 н эритма, 2 г-экв модда эриган бўлса 2 н ва ҳ.

Бир модданинг грамм-эквиваленти иккинчи модданинг грамм-эквиваленти билан тўла реакцияга киришади.

Модданинг грамм-эквиваленти, унинг молекуляр массасидан фарқли ўлароқ, турғун сон бўлмасдан, реакциянинг боришига қараб ўзгариб туради. Уни топиш учун, реакция тенгламасини ёзиб, модданинг қанча миқдори 1 г-ион водородга тўғри келишини топиб олиш керак. Масалан:

H₂SО₄+NаОH=NаHSО₄+H₂О

H₂SО₄+2NаОH=Nа₂SО₄+2H₂О

H₃PО₄+КОH=КH₂PО₄+H₂О