Текшириш саволлари:
Одамлардан фойдаланиш учун уларни ёллаш, деганда нимани тушунасиз?
Аёлни эрга тегишга мажбур қилиш ёки унинг эрга тегишига тўсқинлик қилиш бўйича ҳаётий мисоллар келтиринг.
Одам ўғирлаш, зўрлик ишлатиб ғайриқонуний равишда озодликдан маҳрум қилиш тушунчасини изоҳланг.
Туҳмат, ҳақорат қилиш нимада ифодаланади?
Фуқароларнинг тенг ҳуқуқлигини бузиш, деганда нимани тушунасиз?
“Фуқароларнинг турар жойи дахлсизлигини бузиш” тушунчасини ифодаланг.
Хат - ёзишмалар, телефонда сўзлашув, телеграф хабарлари ёки бошқа хабарларни сир сақланиши тартибини бузиш жиноятлар бўйича мисоллар келтиринг.
Фуқароларнинг мурожаатлари тўғрисидаги қонун қачон қабул қилинган?
Виждон эркинлигини бузиш нималарда ифодаланади?
Сайлов ёки референдум ташкил қилиш уларни ўтказиш тўғрисидаги қонун ҳужжатларини бузиш, деганда нимани тушунасиз?
Меҳнат қилиш ҳуқуқи, муаллифлик ёки ихтирочилик ҳуқуқларини бузиш учун қандай чоралар кўрилади?
Таянч иборалар:
Шахснинг озодлиги, шаъни ва қадр – қимматига қарши жиноятлар қаторига: шаҳвоний ёки бошқа мақсадларда фойдаланиш учун алдаш йўли билан одам ёллаш; аёлни эрга тегишга мажбур қилиш ёки унинг эрга тегишига тўсқинлик қилиш; одам ўғирлаш; зўрлик ишлатиб ғайриқонуний равишда озодликдан маҳрум қилиш; туҳмат; ҳақорат қилишлар киради.
Одам ўғрилаш, зўрлик ишлатиб ғайриқонуний равишда озодликдан маҳрум қилиш шахснинг озодлиги, шаъни ва қадр–қимматига қарши жиноятлар қаторига киради.
Ҳақорат қилиш, бу шахснинг шаъни ва қадр-қимматини беодоблик билан қасддан таҳқирлаш тушунилади.
Жинси, ирқи, миллати, тили, дини, ижтимоий келиб чиқиши, эътиқоди, шахсий ёки ижтимоий мавқеидан қатъи назар, фуқароларнинг ҳуқуқларини бевосита ёки билвосита бузиш ёки чеклаш ёхуд фуқароларга бевосита ёки билвосита афзалликлар бериш фуқароларнинг тенг ҳуқуқлилигини бузиш, деб аталади.
14-Мавзу: Тинчлик ва хавфсизликка ва Ўзбекистон Республикасига қарши жиноятлар.
Режа:
Тинчлик ва инсониятнинг хавфсизлигига қарши жиноятлар.
Ўзбекистон Республикасига қарши жиноятлар.
Do'stlaringiz bilan baham: |
