Ўзбекистон республикаси олий ва ўрта махсус таълим вазирлиги з. М. Бобур номидаги андижон давлат университети

Ишнинг мақсади ва вазифалари: Магистрлик диссертациясида мавзунинг муҳимлигидан келиб чиқиб, илмий адабиётларни таҳлил этиш асосида Бухоро жадидчилик ва тараққийпарварлик ҳаракатининг йирик вакилларидан бири Усмон Хўжа Пўлатхўжаевнинг хаёти , ижтимоий-сиёсий фаолияти ва қолдирган илмий меросининг асосий жиҳатларини очиб беришдан иборат.
Ишда қуйидаги вазифалар бажарилади:

• 
  Усмон Хўжа Пўлатхўжаевнинг ёшлик йиллари , унинг жадидчи сифатида шаклланиши ва ижтимоий-сиёсий қарашлари ривожланишининг асосий омиллари ҳамда назарий асосларини таҳлил қилиш;
  
• 
  Усмон Хўжа Пўлатхўжаевнинг БХШЖ ҳукумати йилларидаги ҳукумат аъзоси ва Марказий Ижроия Қўмитаси (Бухоро МИҚ) раиси сифатидаги фаолиятига баҳо бериш;
  
• 
  Усмон Хўжа Пўлатхўжаевнинг шарқий Бухородаги фаолияти ҳамда хорижга муҳожирликка ўтишига сабаб бўлган омилларни очиб бериш;
  
• 
  Усмон Хўжа Пўлатхўжаевнинг муҳожирликдаги фаолияти ва маънавий мероси, унинг озодлик ва мустақиллик учун кураш ғояларининг асл моҳиятини кўрсатиб бериш;
  
• 
  тадқиқот натижалари бўйича умумий маълумотлар илмий жиҳатдан умумлаштириш ва бу бўйича хулосалар чиқариш.
  

Тадқиқот объекти ва предмети: тадқиқот объекти сифатида Усмон Хўжа Пўлатхўжаев (1878-1968 йиллар)нинг ҳаёти ва ижтимоий сиёсий фаолияти ва қолдирган илмий мероси белгиланган. Усмон Хўжа Пўлатхўжаевнинг ижтимоий-сиёсий ва мехнат фаолияти, умуман, тарихий тақдирига оид масалалар диссертация ишининг предметини ташкил қилади.
Тадқиқот услубияти ва услублари:
Тадқиқот мавзусини ёритишда тарихий хронологик, холислик концепцияларигасодиқлик, муаммовий-ҳудудий ёндашув ва қиёсий таҳлил каби илмий тадқиқот усулларидан фойдаланилган.
Тадқиқот натижаларининг илмий жиҳатдан янгилик даражаси:

• 
  Усмон Хўжа Пўлатхўжаевнинг ёшлик йиллари , унинг «Ёш турклар» партиясидаги ва жадидчилик ҳаракатларида фаолияти жараёни асослаб берилган;
  
• 
  Усмон Хўжа Пўлатхўжаевнинг Бухоро амирлиги ҳукмронлиги давридаги фаолияти, Бухоро амирлигида ва Туркистон ўлкаси озодлик учун курашлардаги йўлбошчилардан бири бўлгани, етакчи жадидлар билан бир сафда турганлиги келтирилган;
  
• 
  1920-1924 йилларда мавжуд бўлган БХСР миллий ҳукумати таркибида Усмон Хўжа фаолияти , БХСР манфаати йўлида муҳожирликка чиқиб кетишининг сабаблари келтирилган;
  
• 
  Усмон Хўжа Пўлатхўжаевнинг хорижда Туркистон мустақиллиги учун совет ҳокимиятига қарши миллий мухолифат курашларидаги иштироки очиқланган.