Ўзбекистон республикаси соғЛИҚни сақлаш вазирининг буйруғИ

4-босқич. Санитария-гигиеник, профилатик, эпидемияга қарши чора-тадбирларни амалга ошириш.
Эпидемиологик текширув ўтказилишининг асосий мақсади бу фойдали, зарурий профилактик ва эпидемияга қарши кураш чора-тадбирларини ишлаб чиқиш ва жорий этиш.
Чора-тадбирларни асосий принципи – бу бир вақтнинг ўзида эпидемик жараённи барча 3 та звеносига таъсир кўрсатиш. Бунда асосан касаллик юқиш йўлини узишга йўналтирилган санитария-гигиеник ва ветеринар-санитария чора тадбирларини ташкил этишга асосий эътибор қаратилади.
5-босқич. Охирги босқичи эпидемиологик текширув натижалари ва ташкил этилган чора-тадбирлар хақида хабар беришдан иборат. Олдиндан текширув натижалари соғлиқни сақлаш бошқармаси ва юқори давлат санитария назорати органларига оғзаки хабар қилинади.
Якуний (маълумот) эпидемик хабар ёзма равишда тайёрланиб, касалликни бирданига ўсиш характери хақида хулоса қилинади.
Диспансер назорати
Барча ич терлама ва паратиф касалликлари билан оғриб ўтганлар албатта марказий кўп тармоқли поликлиника юқумли касалликлар кабинетида диспансер ҳисобига олинади ва шифохонадан чиқариш варақалари нусхаси бемор яшаш жойидаги ДПМ (ҚВП, ШВП, оилавий поликлиника)га берилади.
1. Декретив гуруҳга кирмайдиган касал бўлиб ўтганлар диспансер назорати шифохонадан чиққандан сўнг 3 ой давомида диспансер кузатувига олинади ва биринчи ойда 1 ҳафтада бир марта тана ҳарорати ўлчаб борилади, кейинги ойларда 2 ҳафтада бир маротаба тиббий кўрик, лаборатория текшируви (сийдик ва нажас) ўтказилиб борилади. Учинчи ой охирида бир марта сийдик ва нажас бактериологик текширувига олинади, текширув натижаси яхши чиқса учинчи ой охирида бемор диспансер ҳисобидан чиқарилади. Реконвалисцент беморлар дуоденал зонд ёрдамида ўт суюқлигини бактериологик текширувисиз, уни натижасисиз хисобдан чиқарилмайди.
Учинчи ой охирида олинган лаборатория намуналарида мусбат натижа аниқланса, улар стационар шароитда 5 маротаба бактериологик (нажас, сийдик, РПГА) текшируви ўтказилади. Бактерия ташувчилик тури ва характери шифохонада комиссион ҳолда ҳал этилади. Барча касал бўлиб ўтганлар ДСЭНМ картотекасига киритилади.