Ўзбекистон республикаси соғлиқни сақлаш вазирлиги тиббий таълимни ривожлантириш маркази

«100-86%»баҳо клиник ординаторига қуйидаги ҳолатларда қўйилади:

1. 
   ишлаб чиқариш амалиёти дастурининг барча бўлимлари бўйича тизимлашган чуқур ва тўлиқ билимларни кўрсатган ҳамда унинг доирасидан ташқарисидаги асосий саволларга стилистик жиҳатдан саводли, мантиқан тўғри жавоб берган ҳолларда;
   
2. 
   ностандарт вазиятда мураккаб амалий муаммоларни мустақил ва ижодкорона ҳал эта олган ҳолларда;
   
3. 
   ишлаб чиқариш амалиёти кундалик дафтарини тўғри расмийлаштирган, топшириқларни тўлиқ ҳажмда бажарган ҳолларда;
   
4. 
   амалий кўникмаларнинг усули ва техникадан тўғри фойдаланган, олинган маълумотларни изоҳлай олган ҳолларда;
   
5. 
   аъло тавсифномасини олган ва амалиёт раҳбаридан танбеҳ олмаган ҳолларда.
   

«85-71%»баҳо клиник ординаторига қуйидаги ҳолатларда қўйилади:

1. 
   ишлаб чиқариш амалиёти дастури ҳажми доирасида барча қўйилган саволлар бўйича тўлиқ билим кўрсатган, саволларга саводли жавоб берган, жавоб берганда кичик ҳатоларга йўл қўйган ҳолларда;
   
2. 
   ишлаб чиқариш амалиёти кундалик дафтарини тўғри расмийлаштирган, топшириқларни тўлиқ ҳажмда бажармаган ва амалиёт раҳбаридан танбеҳ олмаган ҳолларда;
   
3. 
   кичик камчиликларга йўл қўйган ҳолда амалий кўникмаларнинг усули ва техникадан тўғри фойдаланган ҳолларда.
   

«71-56%»баҳо клиник ординаторига қуйидаги ҳолатларда қўйилади:

1. 
   ишлаб чиқариш амалиёти дастурининг барча бўлимлар бўйича етарли даражада тўлиқ билим кўрсатган, саволларга жиддий бўлмаган катта бўлмаган ҳатоларга йўл қўйган ҳолларда;
   
2. 
   фақатгина беморларни текшириш ва даволаш бўйича асосий адабиётларни ўзлаштирган, тиббий ҳужжатларни юритган ҳолларда;
   
3. 
   амалиёт дастурини бажарган, аммо бир қатор жиддий ҳатоларга йўл қўйган ҳамда ишлаб чиқариш амалиётининг кундалик дафтарини ва тиббий ҳужжатларни расмийлаштиришда пала-партишликка йўл қўган, амалий кўникмаларни эгаллаш ва топшириқларни бажаришга нисбатан расмиятчилик тарзда муносабатда бўлган. Амалиёт раҳбаридан бир неча бор танбеҳ олган ҳолларда.