- Болаларни кўп тармоқли ихтисослаштирилган мактабгача таълим ташкилотларига ва қўшма типдаги мактабгача таълим ташкилотларига йўллаш бўйича тиббий-психологик-педагогик комиссия қуйидаги мақсадларда ташкил этилади:
- жисмоний ёки психик ривожланишида нуқсонлари бўлган болаларни аниқлаш;
- комплекс тиббий-психологик-педагогик текширув (кейинги ўринларда текширув деб аталади) ўтқазиш ва текширув натижалари бўйича уларга тиббий-психологик-педагогик ёрдам кўрсатишга доир тавсиялар тайёрлаш, уларни ихтисослаштирилган мактабгача ташкилотга, қўшма типдаги мактабгача ташкилотлардаги жисмоний ёки психик ривожланишида нуқсонлари бўлган болаларга мўлжалланган гуруҳларга ва инклюзив гуруҳларга жойлаштириш;
- аввал берилган тавсияларни тасдиқлаш, уларга аниқлик киритиш ёки уларни ўзгартириш.
Комиссия йиғилиши бир ойда камида тўрт марта ўтказилади. - Комиссия йиғилиши бир ойда камида тўрт марта ўтказилади.
- Комиссия сайёр йиғилишлар ўтказишга ҳақли.
- Текширув натижалари, шунингдек, Комиссияда болаларни текшириш билан боғлиқ маълумот махфий ҳисобланади. Болаларнинг қонуний вакиллари розилигисиз ушбу маълумотнинг берилишига йўл қўйилмайди, қонун ҳужжатларида назарда тутилган ҳоллар бундан мустасно.
- Комиссия фаолиятини амалга ошириш учун мактабгача таълим ҳудудий бошқарув органлари томонидан тегишли жиҳозлар ва инвентарь билан жиҳозланган алоҳида хона ажратилади.
Янгиликлар.
Янгиликлар. - Комиссиянинг болани ихтисослаштирилган мактабгача ташкилотга ёки қўшма типдаги мактабгача ташкилотга юбориш тўғрисидаги хулосаси ушбу болаларни кўп тармоқли ихтисослаштирилган мактабгача таълим ташкилотларига ва қўшма типдаги мактабгача таълим ташкилотларига йўллаш бўйича тиббий-психологик-педагогик комиссия тўғрисидаги Низомнинг иловасида кўрсатилган ривожланишида жисмоний ёки психик нуқсонлар бўлган қуйидаги ёш тоифаларидаги болаларга берилади:
- кўришида оғир нуқсонлар бўлган болалар учун — 2 ёшдан 7 ёшгача;
- эшитишда оғир нуқсонлар бўлган болалар учун — 2 ёшдан 7 ёшгача;
- таянч-ҳаракат аппаратида нуқсонлар бўлган болаларга — 2 ёшдан 7 ёшгача;
- нутқида оғир нуқсонлар бўлган болаларга — 3 ёшдан 7 ёшгача;
- психик ривожланишда кечикаётган болаларга — 3 ёшдан 7 ёшгача;
- ақли ривожланишда нуқсонлари бўлган болаларга — 3 ёшдан 7 ёшгача.
Do'stlaringiz bilan baham: |
