Ўзбекистон Республикасида Мустақиллик йилларида иқтисодиётнинг барча соҳаларида туб ислоҳотлар амалга ошириб борилмоқда. Маълумки, қурилиш соҳаси мамлакатнинг иқтисодий ижтимоий ривожланишида муҳим аҳамиятга эга бўлади

Бинонинг ички ва ташқи пардози. Бинонинг ташқи ва ички деворлари сирти охак-қум қоришмасидан қумсувоқ қилинган, перемичка ва бошқа бетон юзалар цемент-қум қоришмаси билан текислаб сувалган. Хоналарнинг девор сиртлари ва шиплари сувда эрувчи махсус бўёқлар(водоэмульсия)билан бўяб пардозланган. Ёрдамчи хоналарда девор ва шиплар охакли сув билан оқланган. Эшик ва дераза ромлари,зинапоя тутқичлари мойли бўёқлар билан бўяб пардозланган.
Мукаммал таъмирлаш даврида янгисига алмаштирилган эшик ва деразалар атрофи қайта тўлдирилиб суваб-текисланади. Шу билан биргаликда сувоқларнинг қисман нураб тўкилаётган жойларини, бу умумий ҳажмнинг 10-12% қисмини ташкил этади, қайта суваб текислаш зарур.Лойиҳада бўёқ ишларини тўлиқ қайта қилиб янгилаш кўзда тутилди. Бунда синф хоналари ва коридорда очроқ рангларни танлаш мақсадга мувофиқ.
Муккамал тамирланиш жараёнида бино фасади тубдан ўзгартирилади, унга замонавий кўриниш берилади. Бинонинг реконструкциядан кейинги фасади кўриниши лойиҳанинг график қисмида келтирилган.
Отмоска. Ёмғир ва қор сувларининг бино остига оқиб кетмаслигини таъминлаш мақсадида бино атрофига 1,2 м кенгликда қилинган асфальт отмоска 30-35% емирилиб кетган. Шу сабабли бино контуридаги емирилган ерлар текисланиб, 100-120 мм қалинликда 3-5% қиялик барпо қилиб шағал ётқизиш ва унинг устидан 40 мм қалинликда асфальт босиш лойиҳага киритилди.
Санитар-техник жиҳозлар ва ускуналар. Ўқув биносининг хоналари совуқ ойларда локал иссиқ сувли иситиш тармоғи орқали иситилади. Бунда иситиш тармоғларидаги сувнинг ҳарорати 70-95^оС оралиғида бўлади. Лойиҳада қўш трубали ва қуйидан узатиладиган иситиш тармоғи кўзда тутилган. Иситиш тизимида чўян радиаторлардан фойдаланилган.
Хоналарда хаво алмашиш табиий йўл билан,яъни деразаларни очиб-ёпиш ва форточклар орқали амалга оширилади.
Бинонинг ҳар бир қаватида 2 тадан, жами 6 жойда пожарга қарши ишлатиладиган махсус мосламалар ўрнатилган.
Фойдаланиб бўлинган ташландиқ сувлар чўян трубалардан ишланган канализация трубалари орқали умумшаҳар канализация тармоғига чиқариб ташланади.
Лойиҳада санитар-техник тизимлар ва жихозларни, бундан ташқари электр,телефон алоқаси ва радио тармоқларини 40-45% холатда янгилаш кўзда тутилди.