Ўзбекистон республикасининг жиноят кодекси

30-модда. Жиноятда иштирок этганлик учун жавобгарлик доираси

Ташкилотчи, далолатчи ва ёрдамчилар хам ушбу Кодекс Махсус кисмининг бажарувчини жавобгарликка тортиш белгиланган моддаси бўйича жавобгарликка тортиладилар.

Олдиндан тил бириктирган гурух, жиноий гурух ва жиноий уюшманинг ташкилотчилари хамда аъзолари тайёргарлик кўрилиши ёки содир этилишида ўзлари катнашган барча жиноятлар учун жавобгарликка тортиладилар.
Уюшган гурух ёки жиноий уюшма ташкил этган ёки уларга рахбарлик килган шахслар шу гурух ёки уюшма содир этган барча жиноятлар учун, башарти, бу жиноятлар уларнинг жиноий нияти билан камраб олинган бўлса, жавобгарликка тортиладилар.
Бошка иштирокчиларнинг жиноий нияти билан камраб олинмаган килмиш учун уни содир этган шахс жавобгар бўлади.
Ташкилотчи, далолатчи ёки ёрдамчи жиноятдан ихтиёрий равишда кайтиб, жиноятнинг олдини олиш учун ўзига боглик бўлган барча чораларни ўз вактида кўрганлиги, жиноятда иштирокчилик учун жавобгарликни истисно килади.
31-модда. Жиноятга дахлдорлик

Жиноятга тайёргарлик кўрилаётганлиги, жиноят содир этилаётганлиги ёки жиноят содир этилганлиги хакида аник била туриб, олдиндан ваъда бермаган холда, хокимият органларига хабар килмаслик, ушбу Кодекснинг 241-моддасида назарда тутилган холлардагина жавобгарликка сабаб бўлади.

Жиноятчини, жиноят содир этиш куроли ва воситаларини, жиноят изларини ёки жиноий йўл билан кўлга киритилган нарсаларни олдиндан ваъда бермаган холда яширганлик ушбу Кодекснинг 241-моддасида назарда тутилган холлардагина жавобгарликка сабаб бўлади.
Олдиндан ваъда бермаган холда жиноят хакида хабар бермаганлик ёки жиноятни яширганлик учун гумон килинувчи, айбланувчи ёки судланувчининг якин кариндошлари жавобгарликка тортилмайди.
VIII БОБ. БИР КАНЧА ЖИНОЯТ СОДИР ЭТИШ

32 модда. Такроран жиноят содир этиш

33 модда. Жиноятлар мажмуи
34 модда. Рецидив жиноят
32-модда. Такроран жиноят содир этиш

Ушбу Кодекс Махсус кисмининг айнан бир моддасида, кисмида, Кодексда алохида кўрсатилган холларда эса, турли моддаларида назарда тутилган икки ёки бир неча жиноятни шахс турли вактларда содир этган, аммо уларнинг бирортаси учун хам судланган бўлмаса, такроран жиноят содир этиш деб топилади. Тамом бўлган жиноят хам, жазога сазовор бўлган жиноятга тайёргарлик кўриш ёки жиноят содир этишга суикасд килиш хам, шунингдек иштирокчиликда жиноят содир этиш хам такроран жиноят содир этиш деб топилади.

Агар шахс илгари содир этган килмиши учун жавобгарликдан ёки жазодан озод килинган бўлса, жиноят такроран содир этилган деб топилмайди.
Умумий касд билан камраб олинган ва ягона максадга йўналтирилган бир жиноят таркибини ташкил килувчи бир-бирига ўхшаш бир неча жиноий килмишлардан иборат бўлган (давомли) жиноят такроран содир этилган деб топилмайди.
Вазифаларини узок вакт мобайнида бажармасликдан иборат бўлиб, бир жиноятнинг узлуксиз таркибини ташкил килган (узокка чўзилган) жиноят такроран содир этилган деб топилмайди.