Ўзбекистон республикасининг солиқ кодекси (Янги таҳрири) Ўзбекистон Республикасининг

I БЎЛИМ.
УМУМИЙ ҚОИДАЛАР

1-боб. Асосий қоидалар (1 - 15-моддалар)

2-боб. Ўзбекистон Республикасида солиқлар ва
йиғимлар тизими (16 - 18-моддалар)
3-боб. Солиқ муносабатларининг субъектлари, уларнинг
ҳуқуқлари ва мажбуриятлари (19 - 29-моддалар)
4-боб. Ушбу Кодексда қўлланиладиган
асосий тушунчалар (30 - 60-моддалар)
5-боб. Солиқ тўловчиларнинг консолидациялашган
гуруҳи (61 - 68-моддалар)
6-боб. Солиқларнинг элементлари (69 - 75-моддалар)
1-БОБ. АСОСИЙ ҚОИДАЛАР

1-модда. Ўзбекистон Республикасининг Солиқ кодекси

билан тартибга солинадиган муносабатлар
2-модда. Солиқ тўғрисидаги қонунчилик
3-модда. Норматив-ҳуқуқий ҳужжатларни ёки уларнинг
қисмларини ушбу Кодекснинг қоидаларига
мувофиқ эмас деб топиш
4-модда. Солиқ тўғрисидаги қонунчиликнинг
вақт бўйича амал қилиши
5-модда. Солиқ тўғрисидаги қонунчиликда
белгиланган муддатларни ҳисоблаш тартиби
6-модда. Ўзбекистон Республикасининг солиқ солишга
оид халқаро шартномаларининг қўлланилиши
7-модда. Солиқ солиш принциплари
8-модда. Мажбурийлик принципи
9-модда. Солиқ солишнинг аниқлиги ва солиқ органларининг
солиқ тўловчилар билан ҳамкорлиги принципи
10-модда. Адолатлилик принципи
11-модда. Солиқ тизимининг ягоналиги принципи
12-модда. Ошкоралик принципи
13-модда. Солиқ тўловчининг ҳақлиги презумпцияси принципи
14-модда. Битимларнинг иқтисодий мазмуни ва уларни
юридик жиҳатдан расмийлаштириш
15-модда. Лозим даражада эҳтиёткорлик
1-модда. Ўзбекистон Республикасининг Солиқ кодекси
билан тартибга солинадиган муносабатлар

Ушбу Кодекс солиқлар ва йиғимларни белгилаш, жорий этиш ва бекор қилишга, ҳисоблаб чиқариш ҳамда тўлашга доир муносабатларни, шунингдек солиқ мажбуриятларини бажариш билан боғлиқ муносабатларни тартибга солади.

2-модда. Солиқ тўғрисидаги қонунчилик
(ЎзР 21.04.2021 й. ЎРҚ-683-сон Қонуни таҳриридаги модда номи)

(1-қ.) Солиқ тўғрисидаги қонунчилик ушбу Кодексдан ва қабул қилиниши ушбу Кодексда тўғридан-тўғри назарда тутилган бошқа норматив-ҳуқуқий ҳужжатлардан иборат. (ЎзР 21.04.2021 й. ЎРҚ-683-сон Қонуни таҳриридаги қисм)

(2-қ.) Агар Ўзбекистон Республикасининг халқаро шартномасида Ўзбекистон Республикасининг солиқ тўғрисидаги қонунчиликда назарда тутилганидан бошқача қоидалар белгиланган бўлса, халқаро шартнома қоидалари қўлланилади. (ЎзР 21.04.2021 й. ЎРҚ-683-сон Қонуни таҳриридаги қисм)