Ўзбекистон республикасининг солиқ кодекси (Янги таҳрири) Ўзбекистон Республикасининг

ХI БЎЛИМ.
АКЦИЗ СОЛИҒИ

40-боб. Солиқ тўловчилар, солиқ солиш объекти

ва солиқ базаси (283 - 289-3-моддалар)
41-боб. Солиқни ҳисоблаб чиқариш, солиқ ҳисоботини
тақдим этиш ва солиқ тўлаш тартиби (290 - 293-моддалар)
40-БОБ. СОЛИҚ ТЎЛОВЧИЛАР, СОЛИҚ СОЛИШ
ОБЪЕКТИ ВА СОЛИҚ БАЗАСИ

283-модда. Солиқ тўловчилар

284-модда. Солиқ солиш объекти
285-модда. Солиқ базаси
286-модда. Акциз тўланадиган товарларга (хизматларга)
доир солиқ солинадиган операциялар амалга ошириладиган сана
287-модда. Солиқ базасига тузатиш киритиш
288-модда. Акциз тўланадиган товарлар экспортини тасдиқлаш
289-модда. Солиқ ставкалари
289-1-модда. Тамаки маҳсулотларига доир солиқ ставкалари
289-2-модда. Алкоголь маҳсулотларига доир солиқ ставкалари
289-3-модда. Нефть маҳсулотлари ва бошқа акциз тўланадиган
товарлар ва хизматларга доир солиқ ставкалари
283-модда. Солиқ тўловчилар

(1-қ.) Акциз солиғини тўловчилар (бундан буён ушбу бўлимда солиқ тўловчилар деб юритилади) деб қуйидаги шахслар эътироф этилади:

1) Ўзбекистон Республикаси ҳудудида акциз солиғи солинадиган товарларни (акциз тўланадиган товарларни) ишлаб чиқарувчилар;
2) табиий газни истеъмолчиларга реализация қилишни амалга оширувчилар;
3) бензин, дизель ёқилғисини якуний истеъмолчиларга реализация қилишни, шу жумладан автомобилларга ёқилғи қуйиш шохобчалари орқали, шунингдек газни газ тўлдириш станциялари ва газ тўлдириш пунктлари орқали реализация қилишни амалга оширувчилар. Ушбу бўлимни қўллаш мақсадида якуний истеъмолчилар деганда ўз эҳтиёжлари учун бензин, дизель ёқилғиси ҳамда газ олувчи юридик ва жисмоний шахслар тушунилади; (ЎзР 30.12.2020 й. ЎРҚ-659-сон Қонуни таҳриридаги банд)
4) оддий ширкат иштирокчиси бўлган, оддий ширкат шартномаси доирасида амалга ошириладиган акциз тўланадиган товарни ишлаб чиқариш билан боғлиқ бўлган фаолият бўйича оддий ширкат ишларини юритиш вазифаси зиммасига юклатилган ишончли шахс;
5) Ўзбекистон Республикасининг божхона ҳудуди орқали акциз тўланадиган товарларни олиб ўтувчилар. Божхона тўғрисидаги қонунчиликка мувофиқ мазкур шахслар солиқ тўловчилар деб эътироф этилади. (ЎзР 21.04.2021 й. ЎРҚ-683-сон Қонуни таҳриридаги банд)

(2-қ.) Қуйидагилар ҳам солиқ тўловчилар деб эътироф этилади:

1) телекоммуникация мобил алоқа хизматларини (акциз тўланадиган хизматларни) кўрсатадиган Ўзбекистон Республикаси юридик шахслари;
2) Ўзбекистон Республикасида фаолиятни доимий муассаса орқали амалга оширадиган, акциз солиғи солинадиган товарларни ишлаб чиқарувчи ёки шундай товарларни олиб киришни амалга оширувчи чет эл юридик шахслари.