Ўзбекистон республикасининг солиқ кодекси (Янги таҳрири) Ўзбекистон Республикасининг

IV БЎЛИМ.
СОЛИҚ ТЎЛОВЧИЛАРНИ ВА СОЛИҚ СОЛИШ
ОБЪЕКТЛАРИНИ ҲИСОБГА ОЛИШ

16-боб. Солиқ тўловчиларни ҳисобга

олиш тартиби (126 - 134-моддалар)
16-БОБ. СОЛИҚ ТЎЛОВЧИЛАРНИ ҲИСОБГА
ОЛИШ ТАРТИБИ

126-модда. Солиқ тўловчиларни ҳисобга олиш

тўғрисида умумий қоидалар
127-модда. Солиқ тўловчининг идентификация рақами
128-модда. Солиқ тўловчиларни ҳисобга қўйиш
129-модда. Солиқ тўловчиларни ҳисобга қўйиш тартиби
130-модда. Ўзбекистон Республикасининг норезиденти бўлган
чет эллик шахсларни ҳисобга қўйишнинг ўзига хос хусусиятлари
131-модда. Солиқ тўловчиларни солиқ солиш
объекти бўйича ҳисобга қўйиш
132-модда. Солиқ тўловчи тўғрисидаги ҳисоб маълумотлари
133-модда. Органлар, муассасалар ва ташкилотларнинг солиқ
органларига маълумотлар тақдим этиш мажбуриятлари
134-модда. Банкларнинг солиқ назоратини амалга ошириш
билан боғлиқ бўлган мажбуриятлари
126-модда. Солиқ тўловчиларни ҳисобга олиш
тўғрисида умумий қоидалар

(1-қ.) Солиқ назоратини амалга ошириш мақсадида юридик ва жисмоний шахслар солиқ органларида ҳисобга қўйилиши лозим.

(2-қ.) Ўзбекистон Республикасининг солиқ резидентларини ҳисобга қўйиш ушбу Кодекс у ёки бу солиқни тўлаш мажбуриятининг пайдо бўлишини боғлайдиган ҳолатлар мавжудлигидан қатъи назар амалга оширилади.

(3-қ.) Солиқ органларида ҳисобга қўйиш ва ҳисобдан чиқариш бепул амалга оширилади.

ЎзР 14.03.2022 й. ЎРҚ-759-сон Қонунига мувофиқ тўртинчи қисм чиқариб ташланган

(4-қ.) Солиқ тўловчига идентификация рақами берилганлиги тўғрисида солиқ органи томонидан берилган гувоҳнома ёки солиқ тўловчини давлат рўйхатидан ўтказиш чоғида у бир вақтнинг ўзида солиқ органларида ва давлат статистика органларида ҳисобга қўйилган тақдирда - давлат рўйхатидан ўтказилганлик тўғрисидаги гувоҳнома солиқ тўловчининг ҳисобга қўйилганлигини тасдиқловчи ҳужжат ҳисобланади.

ЎзР 14.03.2022 й. ЎРҚ-759-сон Қонунига мувофиқ бешинчи, олтинчи ва еттинчи қисмлари тегишинча тўртинчи, бешинчи ва олтинчи қисмлар деб ҳисоблансин

(4-қ.) Жисмоний шахсларни солиқ органларида солиқ тўловчи сифатида ҳисобга қўйиш уларга ваколатли орган томонидан идентификацияловчи ID-карталарни ёки жисмоний шахснинг шахсий идентификация рақамини бериш билан бир вақтда амалга оширилади. Бунда солиқ тўловчи ҳисобга қўйилганлигини тасдиқловчи алоҳида ҳужжат берилмайди. (ЎзР 14.03.2022 й. ЎРҚ-759-сон Қонунига мувофиқ киритилган қисм)

(5-қ.) Ўзбекистон Республикасининг юридик шахсини давлат рўйхатидан ўтказиш чоғида у бир вақтнинг ўзида солиқ органларида ва давлат статистика органларида ҳисобга қўйилган ҳолда берилган давлат рўйхатидан ўтказилганлик тўғрисидаги гувоҳнома солиқ тўловчининг ҳисобга қўйилганлигини тасдиқловчи ҳужжатдир. (ЎзР 14.03.2022 й. ЎРҚ-759-сон Қонунига мувофиқ киритилган қисм)

(6-қ.) Чет давлатларнинг қонунчилигига мувофиқ ташкил этилган чет эл юридик шахсларига (шу жумладан компаниялар ва бошқа корпоратив тузилмаларга) берилган солиқ тўловчининг идентификация рақами тўғрисидаги гувоҳнома солиқ тўловчининг рўйхатдан ўтказилганлигини тасдиқловчи ҳужжатдир. (ЎзР 14.03.2022 й. ЎРҚ-759-сон Қонунига мувофиқ киритилган қисм)

ЎзР 14.03.2022 й. ЎРҚ-759-сон Қонунига мувофиқ тўртинчи, бешинчи ва олтинчи қисмлари еттинчи, саккизинчи ва тўққизинчи қисмлар деб ҳисоблансин

(7-қ.) Солиқ тўловчиларни ҳисобга олиш маълумотлари асосида Ўзбекистон Республикаси Давлат солиқ қўмитаси Ўзбекистон Республикаси солиқ тўловчиларининг ягона реестрини юритади.

(8-қ.) Ўзбекистон Республикаси солиқ тўловчиларининг ягона реестрида мавжуд бўлган маълумотларнинг таркиби ҳамда реестрни юритиш тартиби Ўзбекистон Республикаси Молия вазирлиги ва Давлат солиқ қўмитаси томонидан белгиланади.

(9-қ.) Солиқ тўловчи тўғрисидаги маълумотлар, агар ушбу Кодекснинг 29-моддасида бошқача қоида назарда тутилмаган бўлса, солиқ органида ҳисобга қўйилган пайтдан бошлаб солиқ сиридир.