%збекстан республикасы жо№ары

Tema: J.Dilmuratovtin` balalar a`debiyatinda tutqan orni
Jobasi:
1. Joldasbay Dilmuratovtin`o`miri ha`m do`retiwshiligi.
2.Joldasbay Dilmuratovtin` shig`armalarinda balalar obraznin` jasaliwi

Paydalang`an a`debiyatlar

1. Joldasbay Dilmuratovtin` «Tan`lamali shig`armalarinin` bir tomlig`i» 1992-jil
2. Ismayil Qurbanbaevtin` «Qaraqalpaq balalar a`debiyati» 1992-j
3. T.Ma`mbetniyazovtin` «Qaraqalpaq balalar poeziyasi ha`m onin` mashqalalari» No`kis 1992 jil
1-soraw. Joldasbay Dilmuratov 1928-jili 5-mayda Shimbay rayonindag`i ha`zirgi Qasim A`wezov sovxozinda tuwildi. 1947-jili orta mektepti pitkergennen keyin o`zi oqig`an usi K.Mars atindag`i mektepte baslawish klass mug`allimi bolip isledi. 1948-jili mug`allimler institutina oqiwg`a kirip oni 1950-jili pitkergen. 1950-1952-jillari «Qizil Qaraqalpaqstan» gazetasinda a`debiy xizmetker bolip isledi. 1952-jildan ha`zirge shekem Qaraqalpaqstan ma`mleketlik televidenie ha`m radio esittiriw komitetine xabarshi, redaktor, bas redaktor waziypalarin atqardi. 1991-jildan usi jerde jay redaktor bolip a`debiy ha`m dramaliq esittiriwler redaktsiyasin basqaradi. 1966-jili sirttan oqip Qaraqalpaq ma`mleketlik pedagogikaliq institutinin` filologiya fakul`tetin tamamladi. Joldasbay Dilmuratovtin` balalig`i uris jillarinda o`tken, uristan keyin ko`p uzamay baspa so`zde shig`armalari menen ko`ringen shayirlardin` biri. Uristan keyingi qiyrag`an xojaliqti qayta tiklew da`wiri-onin` ko`rkem shig`armalarinin` arqawi boldi. Ha`rbir shayir da`wiri menen jasaydi, sonin` qosig`in aytadi. J.Dilmuratovtin` do`retiwshilik joli da xaliqtin` ku`ndelikli turmis joli menen tig`iz baylanista rawajlanip otiradi. Onin` poeziyag`a (baylanista) keliwdegi tun`g`ish «A`miwda`r`ya», «Tayarman» qosiqlari 1948-jili «Qizil Qaraqalpaqstan» gazetasinda ja`riyalandi. Solay etip birinshi soqpaq salinadi.
J. Dilmuratov jemisli islegen shayirlarimizdin` biri edi. Bug`an da`lil onin` do`retiwshilik o`siw joli, onin` qaraqalpaq tilinde shiqqan «Jasliq yoshi», «O`mir gu`li», «Qaraman», «Jaz qosig`i», «Ju`rek alg`isi», «Artekte», «Na`wba`ha`r», «Jolbaristin` ta`g`diri», «Zaman zawqi», «Batir bala» kitaplari bolsa sonday-aq onin` o`zbek, qirg`iz, rus tillerinde shiqqan «Bizin` klass», «Ju`rek esteligi», «A`miw tolqini», «Ustremlenie k visote» kitaplari bolip esaplanadi. Tinimsiz islengen o`mirin do`retiwshilikke arnalg`an. onin` 1948-jili shiqqan birinshi qosig`i «Tayarman»da «Xalqimizdin` qaharmanliq islerin» jirlawg`a «Ayarliq janim joq eldin` dan`qi ushin» dep duris bag`dar aldi.