Ózbekđstan respublđkasí xalíq bđLĐmlendđRĐw mđNĐstrlđGĐ
Download 0.66 Mb. Pdf ko'rish
|
didaktika
|
Ámeliy isler metodı – ózlestirilgen bilimlerdi ámeliy máseleler sheshimin
tabıwǵa baǵdarlandırlǵan proceste qollanıladı. Bunda teoriyalıq bilimlerdi ámeliyatta qollaw kónlikpesi payda boladı. Ámeliy isler klassta yaki tábiyiy sharayatlar– mektep jer maydanı, ıssıxana, geografiyalıq maydanlarda ámelge asırıladı. Olardı ámelge asırıwda islenetuǵin háreketler oqıtıwshı tárepinen tekseriledi hám zárúr bolǵanda esletpe yaki arnawlı kórsetpeni oqıwshılar itibarına usınadı. Laboratoriyadan ámeliy islerdiń parqı sonnan ibarat, bul metod oqıwshılardıń iyelengen teoriyalıq bilimlerin ámeliy máseleler sheshimin tabıwǵa baǵdarlan- ǵan xızmetin shólkemlestiredi. Ol oqıwshılardıń bilimlerin tereńlestirip, biliw xızmetin tekseriw hám jol qoyılǵan kemshiliklerin dúzetiw barısındaǵı kónlikpelerin qáliplestiredi. Ámeliy shınıǵıwlarda oqıwshılardıń biliw xızmeti tómendegi bes basqıshta alıp barıladı: 1. Oqıtıwshınıń túsindiriwi, xızmet mazmunın teoriyalıq tárepten ańlaw basqıshı. 2. Kórsetpe, jol-joba beriw basqıshı. 3. Sınaw basqıshı (bul basqıshda eki-úsh oqıwshı ámeliy háreketlerdi orınlaydı, qalǵan oqıwshılar bolsa olardıń xızmetin baqlaydı). 4.
Xızmet (háreket)ti orınlaw (hár bir oqıwshı tapsırmanı óz betinshe orınlaydı, usı orında tapsırmanı orınlayda qıynalǵan oqıwshılarǵa ayrıqsha itibar qaratılıp, olarǵa járdem kórsetiledi). 5.
Tekseriw basqıshı (bul basqıshta oqıwshılardıń jumısları qabıl etiledi hám bahalanadı; jumıstıń sıpatı, materialdıń maqsetke muwapıq tańlanǵanlıǵı, waqıttan únemli paydalanıw, tapsırmanı orınlaw sistemasınıń durıslıǵı hám nátiyjeliligi sıyaqlı jaǵdaylarǵa ayrıqsha itibar beriledi). 52
Zamanagóy oqıtıw sistemasında oqıwshılar tárepinen ózlestirilgen teoriyalıq bilimler tiykarında ámeliy kónlikpe hám uqıplılıqlardı qáliplestiriwde didaktikalıq oyınlardan paydalanıwǵa ayrıqsha itibar qaratılmaqta. Didaktikalıq oyın – bul úyrenilip atırǵan ob'ekt, hádiyse hám processlerdi modellestiriwshi oqıw xızmetiniń túri. Didaktikalıq oyınlardıń maqseti – oqıwshı- lardıń biliwge bolǵan qızıǵıwshılıǵı hám aktivlilik dárejesin xoshametlewden ibarat. Oyın jámiyetlik xızmet kórininsi sanaladı. Házirgi waqıtta oqıtıwshılar qolında barlıq oqıw pánleri boyınsha didaktikalıq oyınlardıń islenbeleri bar, ásirese, baslawısh tálim boyınsha jaratılǵan oqıw sabaqlıqlarında túrli didaktikalıq oyınlardıń dizimi jeterli dárejede kórsetilgen. Oqıtıwdıń globallasıwı bilim beriwshi hám rawajlandırıwshı xarakterge iye hám baǵdarı boyınsha hár túrli bolǵan kompyuter oyınlarınıń mektep ámeliyatına tez pát penen kirip kelmekte. Didaktikalıq oyınlar oqıwshılarǵa jámiyetlik-paydalı miynet hám de oqıw kónlikpelerin jedel ózlestiriwde úlken áhmiyetke iye. Didaktikalıq oyınlardıń áhmiyeti onıń nátiyjesi menen emes, bálkim processtiń mazmunı hám onıń keshiwi menen belgilenedi. Oyınlar balalardı jámiyetlik qatnasıqlarǵa jedel qatnasıwǵa tayarlaydı, olardıń túrli psixologiyalıq zórıǵıwların kemeytedi.
Download 0.66 Mb. Do'stlaringiz bilan baham: 
|