Zehnli bola

O‘quvchi uchun 
1.Matnni o‘qing va bo‘sh joylarni foydalanish uchun berilgan so‘zlardan mosini 
qo‘yib to‘ldiring. (2ta so‘z ortiqcha berilgan) 
ZEHNLI BOLA 
(Mo‘g ‘ul ertagi) 
Burungi zamonlarda chol, kampir va ularning yetti yashar o‘g‘li yashagan
ekan. Ularning bitta oti, uchta ozg‘in qora echkisi bor ekan. 1. ……. xaroba uyda 
yashar ekan. Cholning topgani qozon qaynatishga zo‘rg‘a yetar ekan. Uning 
o‘g‘lidan umidi katta ekan. Chunki u nihoyatda chaqqon va zehnli bo‘lib 
o‘sayotgan ekan. 
Kunlardan bir kuni ularning o‘toviga amaldor kirib kelibdi. U bir kechaga 
boshpana so‘rabdi. 2. …… odam pastkash va badjahl ekan. Hamma undan qo'rqar 
ekan. U o'tovga kirganida bola katta kosada qimiz ichayotgan ekan. Bolaga ko‘zi 
tushishi bilan amaldor xaxolab kulib yuboribdi. 
- Shu ham tovoq bo‘ldi-yu! 3. …….. emas, haqiqiy g‘o‘la. Bola qimiz 
ichishdan to'xtab, hayron bo‘lib mehmonga:
- Hurmatli janob. Nahotki sizning molingiz shunchalik kam bo‘lsa. Uni mana 
shu 4. ,,……….“ bilan sug'orish mumkin bo‘lsa? - deb so'rabdi. 
5. ……….. qizarib-bo'zaribdi. Javob qaytarishga so‘z ham topa olmabdi. 
Ertalab u yo‘lga chiqishga tayyorlanibdi. Kechasi bilan echkilar otining 
qorinbog'ini chaynab qo'yganini sezib qolibdi. 6. ………. qattiq jahli chiqib, 
cholga: 
- Keltirgan ziyonni to‘la, bo'lmasa yomon qilaman! - debdi. 
Bolakay otasini himoya qilib: 
- Hurmatli mehmon! Otingizning qorinbog'ini echkilar chaynagan. To'lovni 
echkilardan undirib oling, - debdi. 
Bu gaplardan keyin amaldor indamay 7. ……… minib, jo‘nab qolibdi. 
Lekin sal nariga borganda, otning oldingi oyog‘i yumronqoziq iniga tushib, ot 
munkib ketibdi. Amaldor yerga uchib tushibdi. 8. …………… jahli chiqibdi. Otni 
qamchi bilan qattiq-qattiq savalay ketibdi. 
Buni tomosha qilib turgan bolakay xaxolab kula boshlabdi. 
- Ahmoq 9. ……. , nimaga kulasan? - deb so'rabdi amaldor. 
- Nimaga kulmay? Xalqning gapi to‘g‘ri ekan. Yolg'on ishlatganning oti 
yumronqoziq iniga qoqilib, yerga qulaydi. Demak, siz g‘irt yolg'onchi ekansiz! 
Amaldor uyalganidan bolaga javob ham qaytara olmabdi. U 10. …….. 
jilovidan tutgancha boshini xam qilib, qorasini o'chiribdi. 
Dili egrining tili qisqa bo'ladi, deganlari shu bo‘lsa kerak. 

---