Зоология ва экология

2. Javdar donidan oddiy un tortish.

Javdar donidan 95 % li jaydari un tortiladi. Bunda un tortishga elevatordan kelgan donning massasiga nisbatan javdar unining chiqishi 95 % bo`lishi kerak, chiqindilar miqdori 2 % ni tashkil qiladi. Unning yirikligi quyidagi talablarga javob berishi shart: N 067 metalmatoli elakda qolgan mahsulot 2 % dan ko`p bo`lmasligi, N 38 kapron elakdan o`tgan elanma 30% dan kam bo`lmasligi kerak. Un N 067 metalmatoli elakdan o`tgan yirik bo`lakchalardan shakllantiriladi.

Oddiy takrorlanadigan un tortish jarayoni uchta yoki to`rtta texnologik sistemadan iborat bo`ladi. Har qaysi sistemada mahsulot valli dastgohlarda maydalanadi va elakdonlarda un ajratib olinadi.

Oddiy takrorlanadigan un tortishda maydalash sistemalarining texnik tavsifi 16-jadvalda keltirilgan.

16-jadval Jaydari un tortishda maydalash rejimlari

Nomlanishi	Yormalash sistemasi
	I	II	III
Nazorat qiluvchi elak nomeri Sistemalarda mahsulotni ajratib olish, %: uch sistemalida to`rt sistemalida	067 60...65 35...45	067 80...85 55...70	067 90...95 80...90

11-rasm. Oddiy un tortishning texnologik sxemasi.

Oddiy un tortishda sistemalarning texnik tavsifi shunday tanlanganki, don tezroq un holigacha maydalanishi kerak. Oddiy un tortish sxemasida mahsulot valli dastgohdan keyin darrov elakdonlarga emas qamchinli mashinalarga yuboriladi. Buning natijasida elakdonlarga tushadigan yuklama 50 % ga kamayadi va saralash jarayoni yaxshilanadi 11-rasm.