1-mavzu: Maxsus fanlarni o’qitish metodikasi fanining maqsadi va vazifalari reja

1-mavzu: Maxsus fanlarni o’qitish metodikasi fanining maqsadi va vazifalari

REJA:

1. 
   Maxus fanlarni o’qitish metodikasi faniga kirish.
   
2. 
   Fanning mohiyati va vazifalari, talabalar bilishi lozim bo’lgan asosiy tushunchalar.
   
3. 
   Maxsus fanlarni o’qitishga qo’yiladigan talablar. Maxsus fanlarni o’qitishda kasbiy-pedagogik bilimlarning ahamiyati.
   
4. 
   Maxsus fanlarni o’qitishda o’qituvchi egallashi lozim bo’lgan pedagogik texnologiyaning mohiyati.
   
5. 
   Maxsus fanlarni o’qitishning kontseptual asoslari.
   
6. 
   2017-2021 yillarda O’zbekistonni rivojlantirishning beshta ustuvor yo’nalishi bo’yicha Harakatlar strategiyasi.
   

Tayanch konspekt:

Tayanch iboralar:Metodika tushunchasi, maxsus fanlarni o’qitish metodikasining predmeti, maqsad va vazifalari, maxsus fanlarni o’qitish metodikasining boshqa fanlar bilan o’zaro aloqasi. maxsus fanlarni o’qitish jarayoni mohiyati va uning vazifalari.

Ta’lim jarayonining tuzilishi, o’qitish va o’qish jarayonlari tavsifi, o’quv jarayonida ularning o’zaro bog’liqligi,talabalarning bilish faoliyati va uning tuzilishi.
1. Maxus fanlarni o’qitish metodikasi faniga kirish.

Metodika va metodologiya. Dars berish metodikasi (Metodika va metodologiya)ning predmeti, bu dars berish (o’qitish) jarayonining o’zidir. Odatda, metodika (uslubiyot) deganda ilmiy bilish faoliyatining shakllari va metodlari majmui haqidagi fan tushuniladi. Bu — nazariy jihatdan qo’yilgan maqsadga yetish, haqiqatni, reallikni, faoliyatni nazariy yoki amaliy bilish, o’rganishning usullari yoki shakllari majmuidir.

Respublikamizda ta’lim sohasida amalga oshirilayotgan keng qamrovli islohotlar o’sib kelayotgan yosh avlodda intellektual kobiliyatlar va kasbiy bilimlarni rivojlantirishni ko’zda tutadi. Bunday kelib chiqqan holda maxsus fanlarni o’qitish metodikasi fanining maksadi bo’lajak mutaxassislarning ixtisoslik fanlaridan ta’lim berish metodikasi, oliy ta’lim tizimida o’qitish shakllari hamda o’qitishning ilg’or pedagogik va axborot texnologiyalariga oid bilim va ko’nikmalarini shakllantirishdan iboratdir.

Maxsus fanlarni o’qitish metodikasi fani “Pedagogika” fanining tarmog’i sifatida quyidagi asosiy vazifalarni amalga oshirishga qaratiladi:

• 
  Kasbiy ta’lim vazifalarini asoslash, uning ta’limiy va tarbiyaviy ahamiyatini ochib berish;
  
• 
  O’quv materiali mazmunini asoslash;
  
• 
  Oliy ta’lim tizimida ta’lim jarayonini tashkil etish;
  
• 
  Bo’lajak mutaxassislarda kasbiy bilimlarni shakllantirishning pedagogik va axborot texnologiyasini asoslash.
  

Mazkur fan maxsus fanlarni o’qitish metodlariga bag’ishlangan bo’lib, u magistrant talabalarga tanlangan soha bo’yicha mutaxassislarni tayyorlashga oid chuqur nazariy bilimlar berishga yo’naltirilgan. Shu bilan birgalikda fanning mazmunida o’qitish usullariga oid umumiy ma’lumotlar, ta’lim jarayonining tashkiliy-pedagogik sharoitlariga ham e’tibor qaratilgan.

Magistr o’zining kasbiy faoliyatida ilmiy tajriba va ishlab chikarishni boshqarishga oid bilim va ko’nikmalarni to’daqonli o’zlashtirgan bo’lishi bilan birga ilmiy-pedagogik izlanishlar olib borish kobiliyatlariga ham ega bo’lishi lozim.

Magistr ilmiy-pedagogik yo’nalishda ish olib borishi uchun pedagogika, psixologiya fanlarini va mutaxassislik fanlarini o’qiitish metodikasini bilishi zarur.

Magistr ilmiy-pedagogik ijodiyot metodologiyasini, o’qituvchi kasbiga oid pedagogik va kommunikativ kobiliyatlarni, pedagogik texnologiya va pedagogik mahoratni, ishchi o’quv dasturi va o’quv rejalari tuzishni, fan yuo’yicha talabalar bilimini baholashning reyting tizimini bilishi lozim.

Maxsus fanlarni o’qitish metodikasi fanini o’zlashtirgan talaba:

- o’qitishning didaktik qonunlari va tamoyillarini, ta’lim-tarbiya berishning nazariyasi va amaliyotini. o’qitishning zamonaviy pedagogik va axborot texnologiyalarini, ta’lim jarayonini tashkil etishning turli usul va shakllarini, jumladan ma’ruza o’qishni. amaliy mashg’ulotlarni o’tkazishni, talabalar mustaqil bilim olishlarini tashkil etishni, malakaviy bitiruv ishlariga rahbarlik qilishni, ta’lim jarayonida o’qitishning texnik vositalari va axborot texnologiyalarini qo’llash ko’nikmalariga ega bo’lishi kerak.

2.2. Fanning mohiyati va vazifalari, talabalar bilishi lozim bo’lgan asosiy tushunchalar.

Yuqoridagi fikrlardan kelib chiqib aytish lozimki, metodika – ta’limning maqsadlari, vazifalari, mazmuni, metodlari, shakllari, vositalari va o’rganilayotgan muayyan fanlar orqali ta’lim-tarbiya berishning usullarini tadqiq qiluvchi fan.

Keyingi vaqtlarda metodikaning nazariy va metodologik asoslari, uning pedagogik fanlar tizimidagi o’rni va amaliyot bilan aloqasi, rivojlanish qonuniyatlari, ilmiy tadqiqot metodlari, metodik tadqiqotlar samaradorligini oshirish yo’llari kabi masalalarga alohida eotibor qaratilmoqda. Bularning barchasi metodika fani nazariyasining taraqqiyotiga asos bo’la oladi. Bundan tashqari metodik hamda qiyosiy metodik tadqiqotlar olib borilmoqdaki, bunda metodikaning fan sifatida shakllanishi, shuningdek, o’quv fanlarini metodikasi bo’yicha to’plangan tajribalar chet mamlakatlar metodik fanlari tizimiga nisbatan qiyosiy o’rganilmoqda.

O’quv adabiyotlarda quyidagi klassik ta’rif mavjud: “Metodika quyidagi masalalarni hal qilib beradi: nima uchun o’qish? qanday o’qish? nimani o’qish va qanday o’qish?” Boshqacha qilib aytganda, metodika muayyan fan o’qitishning maqsadini, o’qitishning mazmunini, metod va vositalarini belgilab beradi.

Pedagog muayyan fanlarni o’qitishning maqsadlarini aniq belgilab olishi kerak. Ta’limning maqsadi talabalarni bilim, ko’nikma va malakalar bilan qurollantirish, ular dunyoqarashini, eotiqodini shakllantirish, qobiliyatini, aql-zakovatini rivojlantirish, o’stirish, kasbiy faoliyatga tayyorlashdan iborat. Bosh maqsad – malakali mutaxassisni tayyorlash.

Maqsadlarni belgilashda o’quv fanining zamonaviy rivojlanish tendentsiyasi ham inobatga olinadi. Ta’lim maqsadlari o’qitish metodlari va shakllarini, vositalarini keng ko’lamda qo’llash orqali amalga oshiriladi.

Metodika fani talabalarni ta’limning maqsadi, mazmuni, ta’limni tashkil etish shakllari, metodlari, vositalari bilan tanishtiradi, ularda pedagogik faoliyat ko’nikma va malakalarini tarkib toptiradi. Shuningdek, ta’limda talabalar bilish faoliyatini faollashtirish, ilmiy-tadqiqotchilik faoliyatini rivojlantirish, izlanuvchanlik, ijodiylik kabi sifatlarni tarkib toptirishga qaratiladi.

Metodikaning nazariy asoslarini psixologiya va didaktika tashkil qiladi. Psixologik nuqtai nazardan ong va faoliyat birligi tamoyiliga murojaat qilish mumkin. Ushbu tamoyil asoschilari A.N.Leontpev va S.L.Rubinshteynlar hisoblanadi. Bu tamoyilga binoan inson psixikasi faoliyat jarayonida shakllanadi: mehnat, o’quv, o’yin. Inson faoliyat orqali rivojlanadi. S.L.Rubinshteyn fikrlash jarayoniga samarali tahsir ko’rsatuvchi omil o’rganilayotgan voqea-hodisalarning muammoli qo’yilishi degan oyani ilgari suradi. Bu tamoyil keyingi vaqtlarda o’quv dasturlari, darsliklar yaratishda o’z aksini topmoqda.

Albatta, o’quv jarayoni samarali bo’lishida ta’limga qiziqishni uyg’otish juda muhimdir. Asosiy qiziqish manbai o’quv materialining mazmuni hisoblanadi. O’quv materiali mazmuni yorqin, yangilikka boy, obrazli bo’lishi hamda hayrat hissini, ma’naviy-ruhiy holatni vujudga keltirishi, seminar ahamiyati ko’rsatilgan bo’lishi kerak. Buning uchun talabalarda qiziqish uyotishi mumkin bo’lgan qiziqarli misollar, faktlar, video va individual vositalari, gazeta, radio xabarlari tanlanadi. Ta’limga qiziqish o’quv-mashqiy o’yinlar orqali ham amalga oshirilishi mumkin. Ularga quyidagi talablar qo’yiladi:

1. O’quv dasturiga mos bo’lishi.

2. Mahlum ta’limiy maqsadlarni ko’zlashi.

3. Mahlum izchillikka rioya qilinishi.

4. Talabalar individual xususiyatlarini hisobga olishi.

5. O’yin qoidalarining sodda va aniq qo’yilishi.

6. har bir talabaning faol ishtirok qilishi.

Ta’lim jarayonining didaktik asoslari. Ta’lim jarayoni pedagog va talabalar faoliyatidan iborat va muayyan ta’limiy vazifalar hal qilinadi, yaoni bilim, ko’nikma va malakalar egallanadi, talaba shaxsi shakllanadi. Ta’lim jarayoni quyidagi elementlardan iborat:

1. Ta’lim maqsadlarining belgilanishi.

2. Ta’lim maqsadlarini amalga oshirilishini taominlovchi ta’lim mazmuni – dastur va darsliklarda keltiriladi.

3. Ta’lim tamoyillari, metodlari va vositalari.

4. Ta’lim shakllari.

5. Ta’lim natijalarining aniqlanishi va navbatdagi yo’nalishning belgilanishi.

Demak, pedagog ta’lim jarayoni rejalashtirar ekan, har bir mavzuga yuqoridagi elementlarni inobatga olgan holda tayyorgarlik ko’radi. Ta’lim jarayoni o’zaro boliq, murakkab tizimni tashkil qiladi.

Ta’lim mazmuniga quyidagi to’rt element kiritilishi lozim:

1. Dunyo, ob’ektiv borliq haqidagi bilimlar.

2. Bilimlar asosidagi ko’nikma va malakalar.

3. Ijodiy faoliyat mezonlari.

4. Umuminsoniy, ma’naviy qadriyatlarni o’zida mujassam qilishi.

Bu elementlarning har biri shaxs uyun kamol topishida o’ziga xos vazifalarni bajaradi. I.Ya.Lerner, M.N.Skatkin nazariyasiga ko’ra ushbu yo’nalishni keng talqin qilish mumkin. Bilimlar orqali ko’nikma va malakalar shakllanadi, turli muammolarni hal qilish natijasida ijodiy faoliyat tarkib topadi va shaxsda o’zga insonlarga, borliqqa, tabiatga, o’z-o’ziga nisbatan mahlum munosabatlar tizimi vujudga keladi, his-tuyular uyonadi.

Ta’lim jarayoniga umumiy qonuniyatlar xos bo’lib, bu qonuniyatlarni aniqlash o’qitishni ongli va samarali boshqarish yo’llarini ishlab chiqishda yordam beradi. Didaktik qonuniyatlar ta’lim jarayonini tushunish uchun nazariy asosdir. Didaktik qonuniyatlar asosida o’qitishni tashkil etish haqida aniq, ilmiy jihatdan tekshirilgan ko’rsatmalar ishlab chiqish mumkin.

<sub>Maxsus fanlarni o’qitish metodikasi bu nazariya va amaliyotning sintezidir.

Maxsus fanlarni o’qitish metodikasi ta’limning tamoyillari va qoidalari, ta’lim shakllari va metodlarini asoslashga qaratiladi, bu esa bo’lajak o’qituvchilarni yuqori kasbiy tayyorgarligini ta’minlaydi.

Maxsus fanlarni o’qitish metodikasi materiallarni tanlash va tizimlashtirishda ilmiy metodologiya asos bo’lib xizmat qiladi.

Metodologiya bu nazariy bilimlar tizimi, ilmiy tadqiqotlar asosiy, boshqaruvchi tamoyillarni belgilovchi, ob’ektiv borliqdagi hodisalarni ilmiy tahlil qilishni amalga oshirish vositasidir.</sub>

Talabalar bilishi lozim bo’lgan asosiy tushunchalar.