2-маруза (1)

ФЎМнинг илмий текшириш методлари. ФЎУ нинг фалсафа, психология ва педагогика билан боғланиши.


Режа:
1) ФЎУ нинг илмий изланиш услуби.
2) ФЎУ нинг фалсафа ва психология фани билан алоқаси.
3) ФЎУ нинг педагогика фани билан алоқаси.

Физика ўқитиш методикаси назарий- экспериментал норматив-амалий фан сифатида аниқланиши мумкин. Унинг илмий текшириш усуллари икки гуруҳ билан тавсифланади.

1) Назарий усул
- Фанларни замонавий ўқитиш методикаси асосида педагогик фактлар ва ҳодисаларнинг назарий таҳлил қилиш;
- Умумий тамойиллардан таълимдаги аниқ муаммоларни кўриб чиқиш, сабаб-оқибатларни, генетик, функционал ва бошқа алоқаларни ҳар томонлама ўрганиш;
- Педагогик ҳодисаларни моделлаштириш, уларни моделлаштириш асосида ўрганиш;
-Физика методологиясини ривожлантиришнинг тенденцияларини назарий таҳлил қилиш (тарихий ва мантиқий бирлигида);
- педагогик жараёнларни таҳлил қилиш
2) Экспериментал метод:
- илғор педагогик тажрибани ўрганиш ва умумлаштириш;
- педагогик жараённи кузатиш, суҳбатлашиш, савол жавоб қилиш;
- педагогик тажриба (аниқлаш, лаборатория, машғулотлар).


Педагогик тажриба. Физикани ўқитиш услубиятига бирор бир янгилик киритилишидан олдин у педогогик тажрибадан ўтказилади. Педагогик тажрибани ўтказиш учун иккита бир хил ўзлаштиришдаги синфлар танлаб олиниб, биринчисида одатдаги усулда мавзу баён қилинса, иккинчисида эса янги усулда ўтилади. Сўнгра ўқувчиларнинг ўзлаштиришлари иккала синфда таққосланиб янгиликнинг самарадорлиги ҳақида хулоса чиқарилади.

Кўпгина педагогик тажрибаларни сифатли таҳлил қилиш ва баҳолаш, айрим сифатларни аниқлаш учун ягона усулларнинг йўқлиги, тадқиқот натижаларини бир хил талқин қилиш муаммолари ҳам мавжуд.

Физика ўқитиш назарияси ва услубларини янада ривожлантириш йўллари:
- Физика фаннинг ўқув дастурини такомиллаштириш,
-Физика фанини ўқитиш қонуниятларини излаш ва назарияларни яратиш;
-Физика фанини мактаб курси бўлимларини ўқитиш учун самарали технологияларни яратиш;
-Физика фанинининг ўқув амалиётини экспериментал ўрганиш учун ягона маълумот банкини яратиш;
- Физика фанини ўқитишнинг янги техник воситаларини ишлаб чиқиш;
- Физика фани ўқитувчиларни тайёрлаш тизимини яратиш ва такомиллаштириш.