6-savol Shaxsiy rivojlanish rejasi – bu kerakli ko‘nikma va fazilatlarni muntazam hamda maqsadli ravishda rivojlantirishga yordam beradigan vosita. Maqsadlarga erishishga imkon beradigan rivojlanish maqsadlari va aniq harakatlar tavsiflanadigan
Download 367.76 Kb. Pdf ko'rish
|
YN metodologiya
- Bu sahifa navigatsiya:
- Savol: Nima deb o‘ylaysiz, shaxsiy rivojlanish rejasi kishiga rivojlanishni boshqarish va o‘zini o‘zi boshqarish imkoniyatini beradimi
- Shaxsiy rivojlanish rejasi
|
6-savol
Shaxsiy rivojlanish rejasi – bu kerakli ko‘nikma va fazilatlarni muntazam hamda maqsadli ravishda rivojlantirishga yordam beradigan vosita. Maqsadlarga erishishga imkon beradigan rivojlanish maqsadlari va aniq harakatlar tavsiflanadigan joydir.
Barchamizga ma’lumki, muvaffaqiyatga erishishning kafolatlangan usuli yo‘q. Biror kishining rivojlanishi uchun ishlagan narsa boshqasiga to‘g‘ri kelmasligi mumkin. Ammo, agar inson o‘zoga nima kerak ekanligini aniqlasa va ularga qanday erishishni rejalashtirsa, maqsadga erishish uchun unda katta imkoniyat bo‘ladi. Odamlar ko‘pincha rejalar tuzishadi, lekin kamdan-kam hollarda ularni yozadilar. Shaxsiy rivojlanish rejasi - bu kerakli sohalarda o‘zingizdan eng yaxshi natijalarga erishish uchun maxsus ishlab chiqilgan yozma harakatlar rejasi 1 .
Shaxsiy rivojlanish rejasi (Personal Development Plan –PDP) yaratish orqali biz o‘zimizning maqsadlarimizni belgilashimiz va ularni amalga oshirishning eng yaxshi usulini topishingiz mumkin. Shaxsiy rivojlanish hammamiz uchun har xil ma’noni anglatadi. Buni qisqacha oddiy qilib, “Odam o‘zi bo‘lishni xohlagan odamga aylanish” deb atashimiz mumkin. To‘g‘ri tuzilgan shaxsiy rivojlanish rejasi orqali hayot tarzimizni quyidagi sohalarda yaxshilashimiz mumkin: sog‘lik, boylik, martaba, munosabatlar va do‘stlik. Har bir inson uchun ushbu narsalar birinchi o‘rida keraklidir. Hamma ularga egalik qilishni xohlaydi. Biroq kimdir ko‘proq, kimdir ozroq oladi. Sabab esa bitta ya’ni maqsad sari hammayam intilavermaydi. Doimiy intilishda bo‘lgan, va maqsadi sari tinimsiz va manzilli, to‘g‘ri yo‘nalgan holatda harakat qiluvchilar muvaffaqiyatli insonlardir. Shaxsiy rivojlanish rejasi kishilarga o‘zini o‘zi boshqarish imkonini beradi. Agar inson o‘z maqsadi sari intilayotgan bo‘lsa, boshqa chalg‘ituvchi narsalardan voz kecha oladi. Halal beruvchi insonlarga yo‘q deya oladi. Shu orqali inson o‘z rivojlanishini ham boshqarish imkoniga ega bo‘ladi.
1 Mualliflar jamoasi. Shaxsiy rivojlanish. Darslik. – Т.: ТДЮУ, 2019. – 124-b. Shaxsiy rivojlanish rejasining samarasini oddiy misolda tahlil qilamiz. Masalan, men o‘z oldimga aniq bir maqsad qo‘ydim. Kelajakda yetuk, professional yurist bo‘laman. Buning uchun men, albatta, reja tuzaman. Unda 5 yildan keyin oliy ma’lumotli yurist sifatida vazirlik tizimida ishlayman deb bosh maqsadni yozib qo‘yaman. Keyin esa ushbu maqsadga erishish uchun yordamchi maqsadlarni belgilayman. Chet tillarini o‘rganish, kompyuterdan tez foydalana olish, jamoa bilan ishlash, har doim a’lo bahoga o‘qish va eng asosiysi o‘z sohamni chuqur o‘rganish deb yozib olaman. Endi esa rejamni yanada ham kichik qismlarga, oylik, haftalik va kunlik rejalarga bo‘lib olaman. Men kunlik belgilangan kichik vazifalarimni bajarish orqali katta rejalarga erishishim mumkin bo‘ladi. Hozirda afsuski, ko‘pchilik kun tartibiga, yuqoridagi shaxsiy rivojlanish rejalarga amal qilmaydi. Agar insonlar o‘z hayotida ma’lum muddat shunday usulni qo‘llab ko‘rganda edi, muvaffaqiyat kalitini anglagan bo‘lardi. Hayotda eng muhim narsa MAQSAD ni to‘g‘ri tanlash va unga erishish uchun tizimli harakat qilishdir.Kelajagi uchun nimadir qilgan inson realistdir. Inson shaxsiy rivojlanishini boshqarishga intilishi uning kamolotiga xizmat qiladi.
Download 367.76 Kb. Do'stlaringiz bilan baham: 
|