Axborot xati chirchiq oliy tank qo‘mondonlik muhandislik bilim yurtida 2023 yil 26 aprel kuni

---

AXBOROT XATI 
Chirchiq oliy tank qo‘mondonlik muhandislik bilim yurtida 2023 yil 
26 aprel kuni 
“Oliy harbiy ta’lim muassasalarida amaliy mashg‘ulotlarni 
tashkil etish va o‘tkazish samaradorligini oshirish yo‘nalishlari, o‘qitish 
uslubiyotlarining integratsiyasi” 
mavzusida 
respublika 
ilmiy-uslubiy 
konferensiya o‘tkaziladi. 
Konferensiyaning maqsadi harbiy ta’lim tizimida amalga oshirilayotgan 
islohotlar, oliy harbiy ta’lim muassasalarida tabiiy-ilmiy va harbiy-kasbiy 
fanlarni integratsiyalab o‘qitish mexanizmlarini yaratish, o‘qitishning an’anaviy 
va zamonaviy innovatsion usullari, axborot-kommunikatsion texnologiyalaridan 
foydalanishning o‘rni va ahamiyati hamda harbiy ta’limning dolzarb 
muammolari yuzasidan fikr almashish va bu borada professor-o‘qituvchilar 
tashabbuskorligini oshirishdan iborat. 
Konferensiyada ilmiy maqola va tezislari bilan qatnashish uchun 
O‘zbekiston Respublikasi oliy, oliy harbiy ta’lim va ilmiy-tadqiqot 
muassasalarining yetakchi mutaxassislari, professor-o‘qituvchilari, doktorantlar, 
mustaqil izlanuvchi hamda magistratura talabalari taklif qilinadi. 
Ilmiy maqola va tezislar to‘plami quyidagilarni qamrab oladi: 
oliy 
harbiy 
ta’lim 
muassasalarida 
tabiiy-ilmiy, 
umumkasbiy 
va mutaxassislik fanlarni o‘qitishda amaliy yondoshuvlar, fanlarni 
integratsiyalab o‘qitish mexanizmlari, amaliy mashg‘ulotlarda innovatsion shakl 
va usullarni qo‘llash tajribalarini tatbiq etish. 
Ilmiy-uslubiy anjuman sho‘balari: 
Harbiy-kasbiy fanlar; 
Tabiiy va umutexnik fanlar.
Konferensiyaning muloqot tili: o‘zbek, rus va ingliz. 2023 yil 26 aprel 
kuni soat 15.00 da o‘tkaziladi.  
Ilmiy-uslubiy konferensiya materiallari to‘plamida chop etish uchun 
yuboriladigan ilmiy maqolalarga qo‘yiladigan talablar: 
materiallar konferensiya yo‘nalishiga oid dolzarb mavzularda bo‘lishi 

---

va ilmiy asoslangan taklif hamda tavsiyalarni o‘zida mujassam qilishi lozim; 
stilistik, grammatik va mazmun-mohiyati tomonidan talablarga javob 
bermaydigan materiallar qabul qilinmaydi hamda qaytarib yuborilmaydi. 
Taqdim etiladigan material matnlari tahrir qilingan holda: 
bir nusxada va elektron shaklda maqola ko‘rinishida, lotin yozuvida 
Word 97-2003 formatida Times New Roman, 14 kegl, satrlar oralig‘i 1,5 sm, 
sahifalar chapdan 3 sm yuqoridan, pastdan va o‘ngdan 2 sm qoldirilgan holda 
bo‘lishi shart; 
birinchi qatorda, sahifaning o‘rtasida bosh va qalin harflar bilan 
maqolaning nomi, 2-qatorda muallifning familiyasi, ismi va otasining ismi,
3-qatorda muallifning ish joyi, ilmiy darajasi va unvoni, 4-qatorda annotatsiya 
va kalit so‘zlar, 5-qatordan asosiy matn yoziladi; 
asosiy matn satrlar orlig‘i 1,5 sm intervalda, satr boshi - 1 sm, satrlarni 
eniga to‘g‘rilash, so‘zlarni boshqa qatorga ko‘chirish-avtomatik tarzda bo‘lishi 
lozim; 
adabiyotlarni to‘liq ro‘yxati asosiy matndan so‘ng, matn ichida 
keltirilgan ketma-ketlikda ko‘rsatilishi lozim; 
taqdim etilayotgan maqola va tezislar 3-5 betdan ko‘p bo‘lmagan 
hajmda o‘zbek, rus va ingliz tillarida qabul qilinadi; 
konferensiyada ishtirok etish uchun maqolalar yuqoridagi talablarga mos 
ravishda elektron shaklda tayyorlangan holda, 2023 yilning 20 aprel 
sanasigacha
[e-mail] 
elektron manzil, yoki [phone],
[phone] telegramm kanallari orqali qabul qilinadi. 
Tashkiliy qo‘mita manzili: 
Toshkent viloyati, Chirchiq shahri 111715, Amir Temur ko‘chasi, 15-uy. 
Ilmiy-uslubiy konferensiyaga oid savollar bilan murojaat uchun telefonlar: 
70 716-50-50, [phone],. [phone]. 
Siz bilan konferensiyamiz ishtirokchilari orasida, albatta uchrashamiz deb umid 
qilamiz!