Davlat tuzumi Volodimir Zelenskiy

Siyosati
Davlat tuzumi

Volodimir Zelenskiy Prezident	Denis Shmigal Bosh vazir

Ukraina — respublika. Amaldagi konstitutsiyasi 1996-yil 28-iyunda qabul qilingan. Davlat boshligʻi — prezident (2019-yildan Volodimir Zelenskiy), u toʻgʻri va yashirin ovoz berish yoʻli bilan 5 yil muddatga saylanadi va 2 muddatdan ortiq saylanishi mumkin emas. Qonun chiqaruvchi hokimiyatni Oliy Rada (parlament), ijrochi hokimiyatni bosh vazir boshchiligida Vazirlar Mahkamasi amalga oshiradi.
Siyosiy partiyalari, kasaba uyushmalari
2000-yil boshlarida Ukrainada 100 dan ortiq siyosiy partiya, 1,5 ming jamoat tashkiloti boʻlgan. Eng ommaviy va nufuzli siyosiy birlashma va partiyalari: Ukraina Xalq Pyx (Ukraina Xalq Harakati) harakati (1989), Kommunistik partiya, Sotsialistik partiya (1991), Umumukrain birlashmasi — „Batkivshchina“ („Vatan“, 1999), Sotsialdemokratik partiya (birlashgan, 1995), Regionlar partiyasi (2001), Koʻkatparvarlar partiyasi (1990). Ukraina kasaba uyushmalari federatsiyasi (1990) va bir qancha mustaqil tarmoq kasaba uyushmalari ham mavjud.
Ukraina iqtisodiyoti yalpi ichki mahsulot hajmi boʻyicha dunyoda 40-oʻrinda — 588 milliard AQSh dollari (2021-yil uchun Xalqaro valyuta fondi maʼlumotlariga koʻra). Aholi jon boshiga YaIM boʻyicha Ukraina 2021-yil uchun Yevropa mamlakatlari orasida oxirgi va dunyoda 97-oʻrinni egallaydi^[1]. Ukraina iqtisodiyoti koʻp tarmoqli sanoat, qishloq xoʻjaligi va xizmatlarga asoslangan iqtisodiyot sanaladi.

Iqtisodiy holat[tahrir | manbasini tahrirlash]

Infografikada mintaqa indikatori mamlakat iqtisodiyotidagi Ukraina hududlari oʻlchamlari nisbatini ifodalash uchun yalpi hududiy mahsulotga (YaHM) bogʻlab koʻrsatilgan.
Eng agrar iqtisodiy rayonlar: Podolskiy, Markaziy va Qora dengiz hududlari sanaladi.