Farg‘ona viloyati hokimligi

 Farg’ona shahridagi 25-umumta’lim maktabida tadbirkorlar va ishbilarmonlar harakati O’zbekiston Liberal demakratik partiyasi viloyat kengashi, Sharqiy xarbiy okrug qo’mondonligi hamkorligida qadrlash kuni munosabati bilan o’tkazilgan tadbirda mustaqilligimizni mustahkamlashga munosib hissasini qo’shgan, 2000 yilda Surxondaryo viloyatining Sariosiyo tumanida terrorchilarga qarshi olib borilgan jangda mardlarcha halok bo’lgan Dilshod Asanov xotirasi yodga olindi.

Tadbirga D.Asanovning oila a’zolari, yaqinlari, sinfdosh do’stlari taklif etilib, Vatan osoyishtaligi, yorug’ kelajagi yo’lida yuksak sadoqat va fidoyilik namunasini ko’rsatgan yurtimiz o’g’lonining jasorati haqida so’z yuritildi.

D.Asanovning oila a’zolariga sovg’alar topshirildi. Vatan, tinchlik, ona, do’stlikni tarannum etuvchi kuy va qo’shiqlar ijro qilindi.

FARG‘ONA VILOYATI HOKIMLIGIRASMIY VEB SAYTI