Geografiya 1

---

GEOGRAFIYA 

 1. Nima sababdan Oy tutilishi ro‘y beradi? 

 A) Oy, Yer, Quyosh osmonda bir chiziqqa to‘g‘ri kelib qolganda  

 B) Oy o‘z harakati davomida Yer va Quyosh soyasiga to‘g‘ri kelib qolganda  

 C) Quyosh va Oyning Yerni tortishi natijasida

 

 D) Yer va Oyning o‘z o‘qi  atrofida aylanishi natijasida 

 To‘g‘ri javob – A.  

 Test  topshirig‘idan  javoblarni  o‘qib,  mantiqiy  fikr  yuritsangiz,  tahlil  qilsangiz  qaysi  javob 

to‘g‘ri  ekanligini  bilib  olasiz,  buning  uchun  albatta  mavzuga  oid  bilim  va  ko‘nikmaga  ham  ega 

bo‘lishingiz kerak, demak mantiqiy fikrlab ko‘ramiz: B javob noto‘g‘ri chunki, Oy Yer soyasiga tushib 

qolganda  tutilish  hodisasi  sodir  bo‘ladi,  Oy  hech  qachon  Quyosh  soyasiga  tushib  qolmaydi,  C  javob 

ham  noto‘g‘ri,  sababi,  Quyosh  va  Oyning  Yerni  tortishi  natijasida  Yerning  shakli  davriy  ravishda 

o‘zgarib turadi, natijada Dunyo okeani, atmosfera va Yer po‘stida ritmli ravishda qalqish hodisasi ro‘y 

beradi,  ya’ni  suvning  ko‘tarilib,  pasayishi  sodir  bo‘ladi,  D  javob  ham  noto‘g‘ri,  Yerning  o‘z  o‘qi 

atrofida  aylanishi  natijasida  sutka  qaror  topadi,  kun  va  tun  almashinadi,  geografik  qobiqda  sutkalik 

ritmiklik ro‘y beradi.  

Oy,  Yer,  Quyosh  osmonda  bir  chiziqqa  to‘g‘ri  kelib  qolganida  Oy  yoki  Quyosh  tutilishi  sodir 

bo‘ladi. 

  Manba:  Tabiiy  geografiya  boshlang‘ich  kursi:  P.G‘ulomov,  R.Qurbonniyozov;  5-sinf, 

Toshkent – 2015 yil, 14-bet.