I kirish 2 II. Asosiy qism

Mavzu:Parazitlarning xo’jayin organizmiga ta’siri

I.KIRISH	2
II.ASOSIY QISM	3
2.1.Parazitlarning xo’jayin tanasiga kirish yo’llari	3
2.2.Parazitlarning xo’jayini bilan o’zaro bog’lanishi	11
2.3.Parazitlar keltirib chiqaradigan kasalliklar	19
2.4.Parazitlarning marfologik adaptatsiyalari	26
2.5. Parazitlar sistematikasi	32
III.XULOSA	34
IV.FOYDALANILGAN ADABIYOTLAR	35

I.KIRISH
Parazitizm (yunoncha parasites-tekinxo'r, hamtovoq) har xil turga mansub organizmlar o'rtasidagi o'zaro munosabatlarning bir ko’rinishidir. Bunda organizmlardan biri (parazit) ikkinchisi (xo'jayin) dan yashash muhiti va ozuqa manbai sifatida foydalanib, unga zarar yetkazadi.
Parazitlik bilan hayot kechirish parazit turning o’ziga xos filogenetik belgisi bo’lib, shu turga kiruvchi barcha individlar uchun xosdir. Parazitlar biologiyasi, ekologiyasi, tarqalishi, kelib chiqishi, qo’zg’atadigan kasalliklari va ularga qarshi kurash choralarini o’rganadigan fan – Parazitologiyadir.
Fan rivojlanishiga qarab XVII asrdangina parazitlarni erkin yashaydigan organizmlar bilan umumiy o’rganila boshlangan. Ungacha parazitlarga alohida guruh sifatida qaralib, ba’zida ularning kelib chiqishi ham sirli bo’lib, tirik organizmlarda o’z-o’zidan paydo bo’ladi degan fikr ilgari surilgan. Parazitlar hayvonot olami sistemasiga kiritilgandan keyingina parazitizm tushunchasini qayta ko’rib chiqish, yanayam aniqroq tushuncha berish kerakligi talab qilindi.