Жамоатчилик назорати ва давлат органлари фаолиятининг очиқлиги

Фалсафа ривожининг асосий босқичлари:

Фалсафа ривожининг асосий босқичлари:

Ғарб фалсафаси

РЕЖА:

1. Қадимги Юнонистондаги фалсафий таълимотлар.

2. Ўрта асрлар Ғарб фалсафаси ривожланишининг умумий белгилари.

3. Янги ва энг янги давр фалсафасининг устувор йўналишлари.

Қадимги давр фалсафаси

Қадимги давр фалсафасининг шаклланиши Юнонистон ва Римга тегишлидир. Бу даврдаги фалсафий қарашлар — антик давр фалсафаси деб юритилади. Унда Милет фалсафий мактаби, Элей фалсафий мактаби, Суқрот, Пифагор, Афлотун, Арасту ва бошқаларнинг фалсафий, табиий- илмий, ижтимоий-аҳлоқий таълимотлари ўрганилади.

Қадимги Юнонистондаги фалсафий таълимотлар

Милет мактабининг вакиллари Фалес, Анаксимандр, Анаксимендир. Унинг асосчиси Фалес. Унинг фикрича оламнинг асоси сув. Анаксимандр дунё — чексиз, газсимон апейрондан иборат, иссиқлик ва совуқлик, қуруқлик ва намлик апейрондан ажралиб чиқиб, модданинг бир ҳолатдан иккинчи ҳолатга ўтишини таъминлайди, деб ҳисоблаган. Анаксимен ҳаво оламнинг асоси деб билган

Пифагорчилар мактабининг асосчиси Пифагор. Юнонистоннинг Самос оролида яшаб ўтган. У диний мафкуравий фалсафий мактаб, яъни пифагорчиликка асос солган. Пифагорчиларнинг таълимотига кўра, оламнинг асосида идеаллашган рақамлар ётади, нарса ва ҳодисалар ана шу рақамлар маҳсулидир. Барча нарсанинг асосини сонлар ташкил қилади. Унингча, Дунёни билиш жараёни сонларни билишдан бошланади.
Пифагор (эрамиздан аввалги 580-500 йиллар)
Фалсафа –Пифогор Фалсафа» атамасига «фило» -севаман, «софия» - донолик деб таъриф берган.
Файласуф –Олимпия ўйинлари мисолида тушунтириб беради. «Анжуманга келадиган бир гуруҳ кишилар беллашиш, куч синашиш, яъни ўзи ва ўзлигини намоён этиш учун; иккинчи гуруҳ, савдо-сотиқ қилиш, бойлигини кўпайтириш учун; учинчиси эса, ўйиндан маънавий озиқ-олиш, ҳақиқатни билиш ва аниқлашни мақсад қилиб олади». Ана шу учинчи гуруҳга мансуб кишилар – файласуфлар эди.