Koreys tilini o`rganishga bo`lgan talab kundan kunga kuchayib borayotgani sabab

---

Kirish
Koreys tilini o`rganishga bo`lgan talab kundan kunga kuchayib borayotgani sabab
foydali va tez o`rganishga yordam beradigan qo`llanma hamda dasturlarga ham shu
yo`sinda talab ortib bormoqda. Barcha uchun maksimal samara keltiradigan dastur
yaratish maqsadida siz, aziz o`quvchilar, uchun quyidagi qo`llanmani ishlab chiqdik.
Qo`llanma noyob uslubda ishlangan. So`zlarni yodlash jarayoni tezlashishi uchun
biz Yevropada keng tarqalgan “assotsiatsiya” uslubidan foydalanishga qaror qildik.
Ushbu uslub orqali sizning so`zlarni eslab qolish tezligingiz 10 barobariga oshadi,
qolaversa miyada mustahkam qolish foizi 80% chiqadi.
Barcha yodlangan so`zlarni 100% mustahkamlab olishingiz uchun har bir mavzu
oxirida maxsus amaliy mashqlar ishlab chiqilgan. U mashqlarni bajarish majburiy
hisoblanadi, aks holda, so`zlar yaxshi esda qolmasligi mumkin. Qolaversa, biz yodlangan
so`zlardan qanchasi esda qolishini bilib olishingiz uchun, maxsus hisoblagich
o`rnatganmiz. Agar hisoblagich 70%dan kam natijani ko`rsatayotgan bo`lsa, so`zlarni
boshqatdan yodlab chiqishni yoxud bir necha marotaba qaytarib chiqishni sizga
maslahat bergan bo`lardik.
Barcha berilgan so`zlar 100% mavzulashtirilgani o`quvchiga yana bir katta
qulaylik yaratadi. Hayotimizda uchraydigan barcha mavzular uchun eng kerakli so`zlar
tanlab mantiqiy zanjir o`rnatilgan, shu bois, so`z yodlashda yaxshigina komfort his
qilishingizga aminmiz.
Har bir koreyscha so`z yoniga o`qilishini, ya`ni transkripsiya berib qo`yilgan.
Ushbu transkripsiya 100% koreys tilidagi o`qilishga yaqin deyish qiyin. Sababi, tillar
o`rtasidagi baryerlar so`zlarni xuddi koreyslardek o`qilishiga halal beradi. Bu masalani
oldini olish maqsadida kitob boshiga koreys har lari bo`yicha fonetik dars berib
o`tganmiz. Ushbu darsdan o`tish ham majburiy hisoblanadi. Ushbu dars orqali siz
koreys tilidagi o`qilishni so`zlar bilan solishtirish imkoniyatiga ega bo`lasiz.
Kitob masalasidagi ikr va mulohazalaringizni kutib qolamiz. Har bir ikr hamda
takli laringiz biz uchun juda ham muhim. Marhamat, o`qing va lazzatlaning!