mavzu soliq solishning soddalashtirilgan tartibi reja

9-MAVZU
3.2 SOLIQ SOLISHNING SODDALASHTIRILGAN TARTIBI Reja:

1. 
   Soliq solishning soddalashtirilgan tartibini soliq amaliyotiga tatbiq etilishi, uning iqtisodiy mohiyati.
   
2. 
   Yagona soliq to‘lovi, uning to‘lovchilari va to‘lovchilar tarkibiga kiritish mezoni.
   
3. 
   Yagona soliq to‘lovining soliq solish ob’yekti, yalpi tushum tarkibi va soliq solinadigan baza.
   
4. 
   Yagona soliq to‘lovi bo‘yicha imtiyozlari va soliq stavkalari.
   

Tayanch so’z va iboralar: mikrofirma, kichik korxona, yakka tartibdagi tadbirkor, soliq to’lovchilar, soliq ob’ekti, soliq bazasi, soliq imtiyozlari, soliq stavkasi, soliq davri, soliq hisob- kitobi, soliq hisoboti, soliq to’lash muddatlari.

1. 
   Soliq solishning soddalashtirilgan tartibini soliq amaliyotiga tatbiq etilishi, uning iqtisodiy mohiyati.
   

O’zbekiston Respublikasi Prezidentining 1996 yil 27 sentabrdagi «O’zbekiston Respublikasining 1997 yilgi davlat budjeti munosabati bilan soliq islohotini chuqurlashtirishga oid chora-tadbirlar to‘g‘risida»gi 1565-sonli Farmoniga asosan amaldagi soliqlar o‘rniga mahsulot (ish, xizmat)larni sotishdan tushgan daromadning 25 foiziga qadar miqdordagi yagona soliqni joriy etish yo‘li bilan barcha mulkchilik shaklidagi kichik korxonalar uchun soliqqa tortishning tabaqalashtirilgan soddalashtirilgan tizimi joriy etildi.
Soliqqa tortish tizimida olib borilayotgan islohotlarning muhim yo‘nalishlaridan biri bo‘lib kichik biznes subektlariga soliq solish mexanizmini takomillashtirish hisoblanadi.
Kichik korxonalar uchun yagona soliqning o‘rnatilishi soliq hisob-kitobini tuzishni osonlashtirdi, ular bir nechta soliq turi o‘rniga faqatgina bitta yagona soliq bo‘yicha soliq idoralariga soliq hisob-kitobini topshirish imkoniyatiga ega bo‘ldilar. Natijada korxona hisobchilarining ishi birmuncha osonlashdi.