Fakultet kengashi raisi: __________ Bekmuratov N.SH.
Kelishildi: O‘quv uslubiy boshqarma boshlig`i
____________
Ishchi o‘quv dasturi Nizomiy nomidagi Toshkent davlat pedagogika universitet kengashida ko‘rib chiqilgan va tasdiqlangan. 2015- yil “__” _______ dagi __ -sonli majlis bayoni
1. Kirish
Psixologik treninglar hozirgi zamon psixologiyasining eng ko‘zga ko‘ringan va muhim sohalaridan biri hisoblanadi. Ayni kunlarda, odamlarda yangi sharoitga moslashish jarayonida vujudga kelayotgan psixologik zo‘riqishlar, turli soha vakillari bilan muloqot o‘rnata olish madaniyati kabi psixologik muammolar hozirgi zamon kishisidan katta psixologik tayyorgarlikni talab etadi. Bunday tayyorgarlik esa asosan psixologik treninglar asosida shakllantiriladi. Shuning uchun kishilarni yangi ijtimoiy munosabatlarga o‘rgatuvchi fan sifatida psixologik treninglar ko’pchilikning diqqat markazida turibdi.
1.1. Fanining maqsad va vazifalari
Fanni o‘qitishdan maqsadi - talabalarga treningning mohiyati, uning shaxs muammosini echishdagi ahamiyati, trening turlari, trening o‘tkazish texnikalari, trenerdan talab etiladigan sifatlar va trening jarayonida qo‘llaniladigan usullar haqida bilim berish va shu asosda ko‘nikma, malakalarni shakllantirishdir.
Fanning vazifalari - talabalarni trening haqida tushuncha, trening o‘tkazishda talab etiladigan muhim jihatlar, trening turlari, ularning maqsad va vazifalari, trening jarayonida qo‘llaniladigan usullar haqidagi bilimlar bilan qurollantirishdan iborat.
1.2. Fanni o‘zlashtirishga qo‘yiladigan talablar
“Psixologik trening asoslari” o‘quv fanini o‘zlashtirish natijasida bakalavr:
- Trening haqida aniq va puxta tushunchaga ega bo‘lishi, trening turlari, ularning maqsad va vazifalari, trening o‘tish talablari, trening o‘tishning 1-kunidagi talablar, trening jarayonida qo‘llaniladigan usullarni bilishi kerak
- Turli muammolarni echish bilan bog‘liq bo‘lgan treninglarning xususiyatlari haqida tushuncha va bilimlarga ega bo‘lish bilan birgalikda trening o‘ta olish uchun zarur bo‘lgan ko‘nikmalarga ega bo‘lishlari kerak.
-Trenerga xos bo‘lgan sifatlarni bilish va o‘zida shu sifatlarni shakllantirish orqali etarli malakaga ega bo‘lishlari kerak.
Do'stlaringiz bilan baham: |