Robototexnikanıń wazıypaları hám rawajlanıw tariyxı

Tema: ROBOTOTEXNIKA TIYKARLARÍ PÁNINE KIRISIW.

REJE :
1. Robototexnikanıń wazıypaları hám rawajlanıw tariyxı.

2. Tiykarǵı atamalar hám tariypler
3. Sanaat robotlarınıń túrleri


Robototexnikanıń wazıypaları hám rawajlanıw tariyxı. Zamanagóy
robototexnika mexanika hám kibernetikanıń sintezi tiykarında payda boldı hám olardıń rawajlanıwda jańa tarawǵa aylanıwına túrtki berdi. Mexanika ushın bul manipulyatorlar sıyaqlı kóp tarmaqlı mexanizmler menen, kibernetika ushın bolsa jasalma intellektge iye robotlardıń sońǵı túrleri ushın zárúr bolǵan aqılıy basqarıw menen baylanıslı bolıp esaplanadı.
Solay etip, robototexnikanıń wazıypası túrli maqsetlerde paydalanıwǵa tiykarlanǵan robotlar hám robotlar sistemaların jaratıw hám olardan paydalanıw ushın mexanika hám kibernetikanı islep shıǵıw hám sintezlew bolıp tabıladı.
Bunday sistemalar hám komplekslerde robotlardıń qollanılıwı túrlishe bolıwı múmkin - tiykarǵı funkciyalardı atqaratuǵın tiykarǵı robottan baslap, robotlar bul funktsiyalardı atqaratuǵın tiykarǵı yamasa járdemshi úskenelerge xızmet kórsetetuǵın járdemshi wazıypaların orınlawı múmkin. Robotlar járdeminde avtomatlastırılgan sistemalar hám kompleksler robotlastırılǵan dep ataladı. Robotlar tiykarǵı funkciyalardı atqaratuǵın robotlastırılǵan sistemalar hám kompleksler robototexnikalıq sistemalar dep ataladı.
"Robot" sóziniń kelip shıǵıwı birinshi ret 1920 jılda ataqlı chexiyalı jazıwshısı K. Capek tárepinen óziniń "R.U.R." ("Rossumnıń universal robotları"), shıǵarmasında awır fizikalıq jumıslarda adamlardı almastırıw ushın mólsherlengen mexanikalıq jumısshılar dep atalatuǵın figuralar isletilingen. Chexlar tilinde " robota" sózi awır májburiy miynet degen mánisti ańlatadı.
Amerikalıq jazıwshı A.Azimov “Men robotpan” shıǵarmasında “robot” dep atalǵan apparat qanday bolıwı kerekligi haqqındaǵı kóz- qaraslarında sonday pikirde bolǵan.
Olardıń pikirleriniń nadurıslıǵı sonda, Chapek hám Asimov robottı anıq wazıypalardı orınlaw ushın tiykarǵı funkciya sıpatında emes al qosımsha funkciyalardı orınlawǵa tán bolǵan shaxstıń nusqası retinde usınǵan.
"Sanaat robotı" termini 70-jıllarda payda bolǵan.
Birinshi robotlar AMF tárepinen 1962 jılda AQSHda, keyin: 1966 jılda burınǵı SSSRda (ENIKMASH); 1967 jıl Ullı Britaniyada ; 1968 jıl Shvetsiya hám Yaponiyada ; 1971 jıl Germaniyada ; 1972 jıl Frantsiyada ; 1973 jıl Italiyada islep shıǵarılǵan.
Bul robotlar anıq bir programma boyınsha ayırım háreketlerdi atqaratuǵın hám anıq qollanıwǵa iye bolmaǵan apparatlar edi hám 1971 jılda birinshi "zamanagóy" sanaat robotları - sanaat robotları (SR) hám olar tiykarında avtomatlastırılgan texnologiyalıq kompleksler – robotlastırılǵan texnologiyalıq kompleksler (RTK) islep shıǵıldı. SR lar dúnyadaǵı jámi robotlar parkinıń 90% in quraydı.
Dúnyada SR dı jaratıwdıń tiykarǵı sebeplerinen biri bul qárejetlerdi tejew bolıp tabıladı.