Tarix darslarida oʻyinli texnologiyalardan samarali foydalanish

TARIX DARSLARIDA OʻYINLI TEXNOLOGIYALARDAN SAMARALI FOYDALANISH
Bobonazarov Tinchlik , Xorazm viloyati Qo`shko`pir tumani
24-maktab tarix fani oʻqituvchisi
Ollazarova Sabohat, Xorazm viloyati Qo`shko`pir tumani
24-maktab tarix fani oʻqituvchisi
Annotatsiya: Ushbu maqolada tarix fanining muximligi,uning qiziqarliligi va oʻyinli texnologiyalardan foydalanish yoritib oʻtilgan.
Kalit so’zlar: Oʻyin,tarix, texnologiya,bilim,xona,oʻquvchi.
Oʻyinli texnologiyalar ta'lim jarayonining samaradorligini ta'minlash,oʻquvchilarda muayyan faollikni yuzaga keltirish,shuningdek bilim koʻnikma va malakalarni hosil qilishga hizmat qiluvchi vaqt oraligʻini qisqartirish,ta'limni jadallashtirishga yordam beradi.
Oʻyinli texnologiyalardan foydalanishda bir qator psixologik xususiyatlar ham namoyon boʻladiki uning oqibatida har bir oʻquvchi oʻzining shaxsiy imkoniyatlarini namoyish eta oladi,ijtimoiy hayotda oʻzi egallagan oʻrnini barqarorlashtiradi,oʻz-oʻzini boshqarish koʻnikmalarini hosil qiladi. Oʻyinli texnologiyalar nafaqat nazariy bilimlarni mustahkamlash,ularning amaliy koʻnikma va malakalarga aylanishini ta'minlabgina qolmay,balki oʻquvchilarda muayyan ahloqiy,irodaviy sifatlarni ham tarbiyalashga yordam beradi.
Oʻyinlarni tashkil etishda quyidagi maqsadlar koʻzda tutiladi: ta'limiy (didaktik) maqsad,tarbiyaviy maqsad,faoliyatni rivojlantirishga yoʻnaltiruvchi maqsad, ijtimoiy maqsad.
Zakovat oʻyini.
Bu oʻyinni oʻtkazishda dastlab xonani oʻyinga moslashtirish lozim boʻladi.
Oʻyin ishtirokchilari test yordamida saralab olinadi.Yuqori ball olgan oʻquvchilar oʻyinda ishtirok etish huquqiga ega boʻladi.Oʻyin qatnashchilari
6-8 kishidan iborat boʻladi.Qolgan oʻquvchilar esa oʻyinni tomoshabin sifatida kuzatib turishadi.Oʻyin uchun moʻljallangan savollar konvertga joylashtirib qoʻyiladi.Guruh sardori savolni olib oʻqituvchiga beradi.Oʻqituvchi savolni oʻqib eshittiradi.Javobni aniqlash uchun bir daqiqa vaqt ajratiladi.Bu vaqt orasida oʻyin ishtirokchikari javobni maslahatlashib topishga harakat qilishadi.Bu oʻyinni asosan yuqori sinfda oʻtkazish tavsiya qilinadi.
Zakovat oʻyinlarida asosan,oʻrtaga muammoli savollar tashlanib,shu muammoni hal etishga diqqat qaratiladi.
"Toʻgʻri top" oʻyini uchun ikkita plakat kerak boʻladi.Oʻqituvchi birinchi navbatda biror mavzu boʻyicha kalit soʻzlarni boshlanishini yozib qoʻyadi,oʻquvchi esa tartibni oʻzgartirgan holda kalit soʻzlarning davomini yozib qoʻyadi.Oʻyinni 6-sinflarda "Qadimgi dunyo tarixini davrlashtirish"
mavzusini oʻrganishda qoʻllash mumkin.

1. 
   Poleolit bu...
   
2. 
   Mezolit bu...
   
3. 
   Neolit bu...
   

Oʻyin shu tarzda davom etadi.Ushbu oʻyin oʻquvchilarda fanga yoki oʻrganilayotgan mavzuga qiziqish uygʻotadi.
Foydalanilgan adabiyotlar:
1. 6-sinf tarix darsligi
2. Q. USMONOV, M. SODIQOV S. BURXONOVA’’O‘ZBEKISTON TARIXI’’ Toshkent «IQTISOD-MOLIYA»2016