Tema: Maǵlıwmatlar bazasın basqarıw sistemalari Reje

Tema: Maǵlıwmatlar bazasın basqarıw sistemalari
Reje:
Kirsiiw.
1. Maǵlıwmatlar bazasın basqarıw sistemasınıń túrleri.
2. Maǵlıwmatlar bazasın basqarıw sistemasınıń pútinligin támiynlew
Paydalanilģan adebiyatlar.

Kirsiiw
Avtomatlastırılǵan informaciya sistemalarınan paydalanıw, halatı hám islewi kárxana hám mekemeler is háreketine anıq tásir etiwi múmkin bolǵan, maǵlıwmatlar bazası yamasa maǵlıwmatlar bazası kompleksi kórinisindegi ulıwmalastırılǵan informaciya resurslarınıń payda bolıwına sebep boldı. Nátiyjede, kárxana hám mekemeler is háreketiniń informaciya támiynatı ámeliyatına avtomatlastırılǵan informaciya sistemasın qollanıw processinde, arnawlı “maǵlıwmatlar bazasın qorǵaw” atamasın alǵan, halatlardı óz aldına ózine tán túrde qadaǵalaw kerek boladı. Maǵlıwmatlardı qorǵaw processinde sheshiletuǵın máselelerdiń wazıypaları hám mazmunına kóz qaraslar avtomatlastırılǵan informaciya sistemaları industriyasınıń payda bolıwı menen birgelikte payda boldı, olardı ámelge asırıwdaǵı programmalıq-texnik tárepleriniń ózgeriwi hám quramalasıwı nátiyjesinde ózgerdi, biraq waqıt ótiwi menen, áste-aqırın olardıń qandayda bir bazalıq dizimi payda boldı hám maǵlıwmatlar bazasın qorǵaw, atomatlastırılǵan informaciya sisteması teoriyası hám ámeliyatında ajıralmas kerekli komponent bolıp qaldı.
“Maǵlıwmatlar bazasın qorǵaw” degende maǵlıwmatlar bazasınan ruxsatsız paydalanıwdan, maǵlıwmatlardı paydalanıwshılar tárepinen ózgertiriliwinen yamasa buzılıwınan eskertiriliw; apparat hám programmalıq qurallardıń aljasıwındaǵı hám ekspluataciya xızmetkeri qátesindegi maǵlıwmatlardıń ózgeriwinen yamasa buzılıwınan eskertiriliw túsiniledi.
Maǵlıwmatlar bazası (MB) - anıq bir predmet tarawdaǵı maǵlıwmatlar toplamı esaplanadı.
Maǵlıwmatlar bazasın basqarıw sisteması (MBBS) - maǵlıwmatlar bazasın jaratıw hám xızmet kórsetiw hámde olardaǵı maǵlıwmatlar ústinde ámeller orınlawdı (olardan paydalanıw imkaniyatı hám qayta islew) támiynlewshi programmalıq qurallar (programmalıq sistema yamasa programma paketi) toplamı esaplanadı.
Maǵlıwmatlar modeli - maǵlıwmatlar hám olardıń ortasındaǵı baylanıs kórinisindegi predmet tarawı haqqındaǵı túsinik. YAǵnıy maǵlıwmatlar modeli - bul óz-ara baylanısqan maǵlıwmatlar strukturalarınıń toplamı hám bul strukturalar ústindegi ámellerdi ańlatadı
.