Temir yo’llari davlat kadastri

Temir yo’llari davlat kadastri

TEMIR YO’LLARI DAVLAT KADASTRI

Temir yo'llar davlat kadastri (TYDK) O'zbekiston Respublikasi “Davlat kadastrlari to'g'risida”gi Qonuni (15.12.2000 yil № 171-II), O'zbekiston Respublikasining “Temir yo'l transporti to'g'risida” qonuni (15.04.1999 yil № 766-I), O'zbekiston Respublikasi Vazirlar Mahkamasining 2005 yil 16 fevraldagi 66-son qarori bilan tasdiqlangan “Davlat kadastrlari yagona tizimi (DKYAT)ni yaratish va yuritish tartibi to'g'risidagi Nizom”, O'zbekiston Respublikasining Vazirlar Mahkamasining “Temir yo'llar davlat kadastrini yuritish tartibi to'g'risida Nizomi”ni tasdiqlash haqidagi 2005 yil 30 iyundagi 152-son qaroriga va boshqa normativ-huquqiy hujjatlarga muvofiq yuritiladi.

TYDK - bu temir yo'llar ob'ektlari, ularning jug'rofiy holati, huquqiy maqomi, miqdor va sifat tavsiflari va iqtisodiy baholash to'g'risidagi yangilanib turiladigan ishonchli axborot tizimi. TYDK DKYATning tarkibiy qismi hisoblanadi hamda temir yo'llar ob'ektlarini hisobga olish va ularning holatini baholash maqsadida yuritiladi. Mavjud bo'lgan va qurilayotgan temir yo'llar, stantsiyalar hamda O'zbekiston Respublikasi hududida joylashgan temir yo'llarning boshqa ob'ektlari: peregonlar, bino va inshootlar, ko'priklar, puteprovod, tonnel`, galereya, dyuker, akveduk, truba, lotoklar, skvajinalar TYDK ob'ektlari hisoblanadi.

TYDK ni yuritishni tashkil etish

• TYDKni yuritish "O'zbekiston temir yo'llari" davlat-aktsiyadorlik kompaniyasining
• quyidagi tarkibiy bo'linmalari:
• "O'zbekiston temir yo'llari" davlat-aktsiyadorlik kompaniyasining Strategik
• rivojlanish boshqarmasining temir yo'llar davlat kadastri bo'limi;
• temir yo'l korxonalarining kadastr bo'linmalari tomonidan amalga oshiriladi.
• TYDKni yuritish bo'yicha ishlarga umumiy rahbarlik qilishni "O'zbekiston temir
• yo'llari" davlat-aktsiyadorlik kompaniyasining bosh menejeri - bosh muhandisi amalga
• oshiradi.
• TYDKni yuritishni metodik ta'minlashni "O'zbekiston temir yo'llari" davlat-
• aktsiyadorlik kompaniyasi amalga oshiradi.
• TYDKni yuritish mazkur Nizomga ilovaga muvofiq sxemaga binoan amalga oshiriladi.

TYDKni yuritish temir yo'l ob'ektlarining barcha turlarini ro'yxatdan o'tkazishdan, ularning miqdor va sifat tavsiflarini hisobga olishdan, ob'ektlarni ekologik- iqtisodiy baholashdan, shuningdek kadastr axborotlarini to'plash, tahlil qilish, tizimlashtirish, saqlash, yangilashdan va uni qonunda belgilangan tartibda manfaatdor foydalanuvchilarga taqdim etishdan iboratdir. Temir yo'l ob'ektlari ro'yxati ularning miqdor va sifat tavsiflarini hisobga olish, ekologik-iqtisodiy baholash uchun asos hisoblanadi. Temir yo'l ob'ektlarining barcha turlari birlamchi ro'yxatga olinishi kerak. Bunda asosiy ko'rsatkichlar qayd etiladi.

Temir yo'l korxonalarining kadastr bo'linmalari:

• temir yo'l ob'ektlarining miqdor va sifat holatidagi joriy o'zgarishlar, ularning
• atrof muhitga ta'siri, ekologik-iqtisodiy baholash to'g'risidagi axborotlarni
• to'playdi va tizimlashtiradi;
• temir yo'l ob'ektlari kadastr daftarlarini yuritadi, ma'lumotlar bazasini
• to'ldiradi va ularni tizimlashtirish va temir yo'llar davlat kadastrining
• avtomatlashtirilgan axborot tizimiga kiritish uchun TYDK bo'limiga beradi;
• temir yo'llarning yangi ob'ektlarini hisobga qo'yadi, ular to'g'risidagi hisobga olish
• va baholash ma'lumotlarini to'playdi.

E’TIBORINGIZ UCHUN RAHMAT!