Термиз мактабгача таълим ва хизмат кўрсатиш касб-ҳунар коллежи 8-14 гуруҳида ўтказилган мажлиси баённомаси

Термиз мактабгача таълим ва хизмат кўрсатиш касб-ҳунар коллежи 1-15 гуруҳида ўтказилган йиғилиш баённомаси

№_______
“_____” ______________ Термиз ш.

Қатнашдилар:

Бўлим бошлиғи:		Тошпўлатов О.
Гуруҳ раҳбари		Байкелдиев Ж.
Ўқувчилар:		______ нафар

КУН ТАРТИБИДАГИ МАСАЛАЛАР:

1. 
   Эрта турмуш қуриш ва унинг салбий оқибатлари тўғрисида.
   
2. 
   Ўз жонига қасд қилишнинг олдини олиш
   
3. 
   Ҳар хил масалалар.
   

Йиғилишни коллеж Бўлим бошлиғи кириш сўзи билан очиб кун тартибидаги масалалар билан йиғилиш қатнашчиларини таништирди.

Биз устозлар муаллимлар қалбимизда Муҳтарам юртбошимиз таъкидлаганларидек “Фарзандларимиз биздан кўра кучли, доно ва албатта бахтли бўлишлари шарт” деган ғояни ёшлар онгига сингдириб боришга маъсулмиз.
Ҳар бир ота-она орзу умидлари, ҳавасларини ўз фарзанди қиёфасида кўришни ният қилади.
“Юксак маънавият енгилмас куч” асарида муҳтарам Юртбошимиз “Таълимни тарбиядан, тарбияни эса таълимдан ажратиб бўлмайди-бу шарқона қараш, шарқона ҳаёт фалсафаси”дир деганлар.
Ўзбекистон Республикаси Конституциясининг 41-модда, 45-модда, 64-моддаларида, Ўзбекистон Республикасининг “Таълим тўғрисида”ги Қонуннинг 4-моддасида, Оила Кодексининг 21-моддасида ҳар бир инсон жинси, тили, ирқи, миллати, ижтимои келиб чиқишидан қатьий назар таълим олиш учун тенг ҳуқуқлилиги, ота-оналар вояга етмаган фарзандларини 11 йиллик мажбурий таълим ва тарбия олишлари учун биргаликда маъсул эканлиги бегилаб қўйилган.
Минг афсуски, айрим ота-оналар фарзанд тарбиясига фақат ўқитувчи маъсул деган фикрда юришмоқда.
Шундан сўнг кун тартибидаги масалалар юзасидан гуруҳ раҳбари сўзга чиқиб қуйидагиларни таъкидлади.
Мамлакатимизда барқарорлик ва осойишталик, ҳавфсизлик, фуқаролик ва миллатлараро тотувликни янада мустаҳкамлаш, инсон ҳуқуқлари, эркинликлар ва манфаатларини ҳимоя қилиш, жамият фаровонлиги ва равнақини изчил юксалтириш мухим устувор йуналишлардан биридир. Ушбу ижобий жараённи таъминлаш мамлакатимизда барча жабхада амалга оширилаётган кенг кўламли ислоҳотларни чуқурлаштириш учун мустаҳкам пойдевор, жадал ижтимоий – иқтисодий ривожланишни изчил давом эттириш кафолати, кучли бозор иқтисодиётига асосланган ҳуқуқий демократик давлат барпо этиш йулида эришаётган ютуқларимизнинг муҳим омилидир
Айниқса, ўсмирлар ўртасида жиноятчиликнинг олдини олишда оиладаги тарбия муҳитига, ундаги ҳуқуқий тарбияга алоҳида эътибор қаратиш лозим.
Кейинги вақтларда тарбиясида муаммолари бор бўлган болалар ҳақида фикр юритилганда тарбияи «оғир» қизлар тўғрисида ҳам турли мулоҳазалар билдирилмоқда. Қизлар тарбиясида муаммо пайдо бўлишининг асосий сабаблари сифатида қуйидагиларни кўрсатишимиз мумкин:
-Қиз бола тарбияланаётган оилада маънавий тарбиянинг етишмаслиги.
-Ижтимоий ва ҳаётий меъёрлар номутаносиблигидан келиб чиқувчи
низолар.
-Оила ва мактаб назоратидан четда қолган қиз боланинг номақбул
муҳитга тушиб қолиши.
-Айрим ҳолларга руҳий ақлий ривожландан орқада қолиш.
-Кўп болалаик оилалардаги ўзаро маънавий-психологик муҳит ҳам фақат тарбиянинг ижобий самарадорлигига қаратилган;
-Ўзаро ишонч муносабатлари юзаки бўлган оилаларнинг фарзандлари
ота-оналарига ўз сирларини ҳеч қачон айтмайдилар.
-Ўқиш ва ишлари, келажак режалари тўғрисида маслаҳатлашмайдилар.
Ота-оналаридан кўра кўпроқ бегоналар билан яқин муносабатни афзал кўрадилар;
Ҳозирги куннинг энг асосий муаммоларидан бири аҳолининг асосий қисмини мусулмон бўлган мамлакатнинг диний эътиқодига зид бўлган ақидаларнинг минтақамизга кириб келишининг олдини олиш, анъанавий, маърифий ва мўтадил исломни ёт ғоялардан сақлашдир. ХХI аср вабоси бўлган терроризм ва диний ақидапарастлик хавфини тўла бартараф қилиш ҳам мазкур муаммони ҳал қилишга боғлиқ. Чунки, ҳар қандай мутаассиб кайфиятдаги ислом номини олган диний ақидапарастлик, кишиларнинг диний ҳиссиётларидан ғаразли мақсадларда фойдаланишга интилиш жамиятдаги демократик ислоҳотлар, диний бағрикенглик шартларининг таъминланишига тўсқинлик қилади.
Мавжуд муаммоларни ҳал этиш жамиятимизнинг барча аъзолари, жумладан, хоти-қизлар фаоллари олдига ҳам вазифаларни қўяди. Яъни, республикамизда олиб борилаётган виждон эркинлиги соҳасидаги сиёсат, унинг амалий натижалари, мамлакатимизда қарор топган бағрикенглик муҳитини омма орасида кенг ёритишга қаратилган тадбирларга диниий ташкилотлар вакиллари, мутахассис олимларни фаол жалб қилиш орқали уларнинг ҳозиржавоблиги, таъсирчанлиги ва самарадорлигини таъминлаш муҳим аҳамиятга эга.
Одамларнинг жонига қасд қилиш, ўлдириш, тайзиқ остига олиш, аҳолини ваҳимага солиш мақсадида қилинадиган, тинч инсонларни гаровга олиш каби ҳолатлар ва бунинг ортида сиёсий-диний ёки фанатик мақсадларда уюштирилган жиноятларни терроризм қаторига қўшиш ўринли.
Илк ислом даврида жиҳод дейилганда исломни ёйиш ва ҳимоя қилиш учун ғайрат қилиш тушунилган. Жиҳод сўзи луғатда уруш маъносини англатмайди, балки бу сўз аввало, Аллоҳнинг динига сўз ва чиройли ҳулқ-атвор билан даъват қилишдир. Ҳавойи нафс йўлига кирмаслик, яхши амалларга бор кучини сарфлаш, ҳақ сўзни жойини топиб айтиш жиҳодга киради. Фарзанднинг ўз ота-она хизматида бўлиши ҳам жиҳоддир.
Террорчи гуруҳлар кейинги пайтларда ўз қурбонлари сифатида аёлларни танлаётганлари ҳам алоҳида эътиборни тортади. Нега энди айнан аёллар ўзларини қурбон қилиб ва шу йўл билан бошқаларнинг ҳаётига хавф солмоқдалар?
Аёл бу – она. У ўз фарзанди, оиласи, ўзи севган кишисини муқаддас деб билгани учун жонини беришга тайёр. Қора ниятли кишилар эса аёлдаги худди мана шу фидоийликдан ғаразли мақсадда фойдаланишга уринмоқдалар. Одамлар меҳридан, эътиборидан четда қолган, оғир маънавий тушкунликни бошидан кечираётган аёл террорчилар тузоғига илиниши мумкин бўлган ўлжадир. Уни ўз жонини қурбон қилиб “улуғ мақомга” эришишига ишонтириш қийин эмас. Айтиш мумкинки, баъзида биз “ожиза” дея етарлича эътибор бермайдиган аёл душманнинг ишончли қуролига айланиши мумкин.
Юқорида таъкидлаб ўтганимиздек диний оқимларга кириб қолганларнинг асосий қисмини ҳали ҳаёт тажрибасидан йироқ, на дунёвий, на диний билимларга эга бўлмаган ёшлар ташкил этмоқда. Мусулмон оламининг энг муқаддас китоби саналган “Қуръони карим”да ўз жонига қасд қилиш энг катта гуноҳлардан бири эканлиги таъкидланган, жумладан Нисо сурасининг 29-оятида “... ўзларингизни ўлдирмангиз! Албатта, Аллоҳ сизларга раҳм-шафқатлидир” дейилган бўлса, Бақара сурасининг 195-оятида “... ўз қўлларингиз билан ўзларингизни ҳалокатга ташламангиз! (Барча ишларни) чиройли қилингиз. Албатта, Аллоҳ чиройли (иш) қилувчиларни яхши кўради” деб таъкидлади.
Гуруҳ раҳбари ўқувчиларга коллежда ташкил этилган ўқувчилар формасида келиш, тартиб-интизомга амал қилиш, дарс машғулотларига ўз вақтида келиб кетиш, фанларни яхши ва аъло баҳоларга ўзлаштириш, машғулотлар жараёнида уяли телефон воситаларидан фойдаланмаслик, техника хавфсизлиги қоидаларига риоя қилиш, йўл ҳаракати қоидалрига амал қилиш, шу билан бир қаторда ҳар хил интернет кафеларга бормаслик кераклиги тўғрисида гапирди