Toyota avto kompaniyasi

Toyota avto kompaniyasi

Jahonda AQShning „General Motors“ va „Ford Motor Company“ kompaniyalaridan keyin 3-oʻrinda turadi. Bosh idorasi Toyota shahrida. Toyota avtomobil kompaniyasi dastlab 1935-yilda toʻqimachilik mashinalari ishlab chiqariladigan zavodning bir boʻlinmasi sifatida sanoatchi Kipchiro Toyoda tomonidan tashkil etilgan. 1937-yildan „Toyota Motors“ kompaniyasi. 1947-yildan Toyota yengil avtomobili ishlab chiqarildi.
1950-yildan yangi konstruksiyadagi avtomobillarning turi va soni yil sayin ortib bordi. Shuningdek, old va orqa oʻkdari orqali harakatlanadigan, har qanday yoʻlda yura oladigan „Land Kryuzer“ modelini ishlab chiqarish yoʻlga qoʻyildi.
1954-yilda Toyota avtomobillari Braziliya va Avstraliyada ishlab chiqarila boshladi, Janubiy Afrika, Tailandda shoʻba kompaniyalar tashkil etildi, boshqa mamlakatlarda Toyota avtomobillarini sotish bilan shugʻullanuvchi vakolatxonalari koʻpaytirildi.
1957-yilda Toyota avtomobillari AQShga eksport qilina boshlandi. Toyota avtomobillar va koʻplab boshqa mahsulotlar ishlab chiqaradi, oʻz tizimiga juda koʻp kompaniyalarni olgan, eng zamonaviy texnika, texnologiya bilan jihozlangan. Avtomobillarni yigʻish jarayoni 98 % robotlashtirilgan, ishlab chiqarish. jarayonlari kompyuter yordamida boshqariladigan eng yirik korporatsiya hisoblanadi.
Toyota kompaniyasi kuchli tomonlari

• Global hukmronlik

Bozorda hukmronlik qiladigan kompaniyalar raqobatchilardan ustunlikka ega. Osiyodan Yevropa, Afrika va Amerikaga qadar Toyota avtomobillari turli mintaqalarda 170 dan ortiq mamlakatlarda va jahon bozorining 10,5 foizida sotiladi.
2. Turli xillik
Toyota Corolladan Prius, Camry, Land Cruiser, Scion, Hilux, Supra va boshqa ko'plab avtomobillarni taklif etadi.Avtomobillar turli xil modellarga ega, jumladan sedanlar, pikaplar va yo'ltanlamas avtomobillar. Ular elektr, gibrid, benzin yoki dizel bilan ishlaydi, bu esa kompaniyaga butun avtomobil bozoridagi iste'molchilarga xizmat ko'rsatish imkonini beradi.