Turizm sohasini rivojlantirishning asosiy maqsadlari va bosqichlari

Turistik firmaning biznes rejasi
Reja :
Kirish
1-bob. Turizm sohasini rivojlantirishning asosiy maqsadlari va bosqichlari

1. 
   Turizmning rivojlanish bosqichlari
   

1.2 Turizmni rivojlantirishning asosiy yo’nalishlari
2-bob. Turistik firma faoliyatida biznes rejalashtirish
2.1 Biznes - rejaning maqsadi va vazifalari.
2.2 Biznes – rejani tayyorlash bosqichlari.
2.3 Turistik korxona va uning faoliyati rejalashtirish obyekti sifatida.
3-bob. “ Accor “ kompaniyasi faoliyati
3.1 “Accor” kompaniyasi faoliyatining tashkil etilishi
3.2 “Accor “ kompaniyasining turizmi rivojlangan mamlakatlar iqtisodiyotida tutgan o’rni.
Xulosa
Foydalanilgan adabiyotlar


Kirish
Mamlakatimizda keyingi yillarda xorijlik sayyohlar oqimini koʻpaytirish maqsadida 91 davlat fuqarolari uchun vizasiz kirish tartibi yoʻlga qoʻyildi. Sayyohlik sohasida faoliyat koʻrsatayotgan tadbirkorlarni qoʻllab-quvvatlash uchun yuzga yaqin soliq va bojxona imtiyozlari taqdim etildi, xarajatlar va kreditlarning bir qismini qoplash uchun subsidiya hamda grantlar ajratilmoqda. Natijada sohada tadbirkorlik bilan shugʻullanish istagida boʻlgan tashabbuskorlar koʻpaydi. Xususan, turoperatorlar 749 tadan 1700 taga, joylashtirish vositalari esa 751 tadan 1143 taga yetdi
2022-yilda turizm sohasida umumiy qiymati 22,1 trillion soʻmlik 735 ta loyiha ishga tushirildi. Tadbirkorlikni rivojlantirish, investitsiya jalb qilish hamda raqobatbardosh xizmatlarni yoʻlga qoʻyishga berilgan eʼtibor natijasida turizm bozoriga Hilton, Marriott, Hyatt, Wyndham, InterContinental Hotels Group, Movenpick, Swissotel va Accor kabi yetakchi mehmonxona brendlari kirib keldi. Ular nafaqat Toshkent shahri, balki Buxoro, Samarqand, Jizzax va Xorazm hududlarida oʻz faoliyatlarini tashkil qilmoqda. Bugungi kunda yurtimizda turistlarning oʻrtacha qolish kunlari 4-5 kunni tashkil etib, 2021-yilga nisbatan 1,5 baravarga ortdi. Yurtimizga kelgan xorijiy turistlar 2017-yilda 2,7 million nafarni tashkil etgan boʻlsa, oʻtgan yili bu raqam 5,1 milliondan oshdi[3]