Viii-semestr uchun “Beton va temir-beton texnologiyasi”

O‘ZBEKISTON RESPUBLIKASI OLIY VA O‘RTA MAXSUS TA’LIM VAZIRLIGI
TERMIZ DAVLAT UNIVERSITETI

«Transport tizimlari va inshootlari» kafedrasi

VIII-semestr uchun

“Beton va temir-beton texnologiyasi”

fanidan tajriba mashg‘ulotlarini o‘tkazish uchun

USLUBIY KO‘RSATMA



Termiz -2022- 2023 yil

8-tajriba ishi.
Beton qorishmasining qulay joylanuvchanligini sozlash
Asbob va uskunalar. Beton, qorishmasi, qolip, virostol,
Tajriba tartibi Har xil shakldagi konstruksiyalar uchun ishlangan qolipga beton qorishma quyilganda, u qolipning hamma burchaklarini to‘ldira oladigan darajada qulay joylanuvchan bo‘lishi kerak. Buning uchun qorishma titratiladi. Beton qorishmasining quyuqlik darajasiga qarab uni titratish davri (muddati) har xil bo‘ladi. Quyuqlik darajasi "0" sm bo‘lganda titratish davri o‘rtacha 100-120s bo‘ladi, qorishma konusining cho‘kishi 12 ­18 sm bo‘lganda esa beton qorishmasini 5 s titratish kifoya.
Beton qorishmasining qulay joylanuvchanligi asosan uning suv: sement nisbatiga bog‘liq. Qulay joylanuvchanlik ko‘rsatkichi ma’lum bo‘lgan 1m³ beton qorishmasi uchun taxminiy suv sarfini aniqlashda amaliy natijalar asosida tuzilgan 2-jadvaldan foydalanish mumkin. Beton qorishmasidagi suv miqdorini kamaytirish va plastikligini oshirish uchun maxsus organik qo‘shilmalar ishlatiladi. Masalan, qorishmaga sement massasining 0,2-0,25% miqdorida sulfat spirt (SSB) yoki0,08-0,1% sovun qo‘shilsa, undagi suv miqdorini 8-12% gacha kamaytirish mumkin. Hozir qurilishda ko‘plab ishlatilayotgan superplastifikatorlar sementli qorishmalarning plastikligini keskin oshiradi, uni mayinqiladi.