Xalqarо savdо va darоmadlarning taqsimlanishi

Mavzu: Xalqaro savdo va uning turlari va tartibga solish mehanizmi

REJA:
Kirish
Asosiy qism
1. Xalqaro savdoning zaruriyati va uning asosiy ko`rinishlari
2.Xalqaro savdoning zamonaviy nazariyalari
3. Tashqi savdo siyosatining mohiyati va vositalari.
4. Ishlab chiqaruvchilarga subsidiyalari va importni kvotalar orqali tartibga solish.
5. O`zbekiston Respublikasi tashqi savdo siyosatining xususiyatlari va uni takomillashtirish yo`nalishlari.
Xulosa
Foydalanilgan adabiyotlar



Kirish
Xalqaro savdo mahsulotlari, xizmatlar va fan-texnika ma‘lumotlarini ayirboshlashning barcha ko`rinishlari tashqi savdo operatsiyalari yordamida amalga oshiriladi. Ular o`z navbatida eksport, import, reeksport va reimport operatsiyalariga bo`linadi.

Tashqi savdo xalqaro ayirboshlashning an‘anaviy shakli sifatida quyidagi ko`rinishlarni o`z ichiga oladi:

• 
  mahsulotlarni ayirboshlash: yoqilg`i-xom ashyo mahsulotlari, qishloq xo`jaligi mahsulotlari, sanoat mahsulotlari;
  
• 
  xizmatlarni ayirboshlash: muhandislik-maslahat xizmatlari;
  
• 
  transport xizmatlari, sayyohlik va boshqa xizmatlar. Hozirgi vaqtda xizmatlarning jahon eksportidagi hissasi 30 foizdan oshib ketdi;
  
• 
  yangi ilmiy-texnik ma‘lumotlarni ayirboshlash: litsenziyalar va «nou-xou»lar.
  

Ular hissasiga xalqaro savdo aylanmasining 10 foiziga yaqini to`g`ri keladi.
Eksport operatsiyasi - mahsulotlarni chet mamlakatlarga chiqarish.
Import operatsiyasi - mahsulotni xorijiy sherikdan sotib olish va uni mamlakatga olib kelish.
Reeksport operatsiyasi - avval import qilingan va qayta ishlov berilmagan mahsulotni chet elga olib chiqib sotish.
Reimport operatsiyasi - avval eksport qilingan va u erda qayta ishlov berilmagan mahsulotni chet elda sotib olish va mamlakatga olib kelish.
Shu paytga qadar yuzaga kelgan barcha xalqaro savdo nazariyalari xalqaro savdoni erkinlashtirish barcha mamlakatlar uchun foyda keltiradi degan fikrni ilgari suradi. Erkin tashqi savdoning zarurligi va foydaliligi to`g`risida dastlabki nazariyalardan biri A.Smitning mutlaq ustunlik nazariyasidir. Bu nazariyaga ko`ra har bir mamlakat undagi mavjud sharoitlar va resurslar o`ziga xosligiga tayangan holda ma‘lum bir tovarni eng kam xarajatlar hisobiga (yoki vaqt birligida bu tovarni eng ko`p) ishlab chiqirish imkoniyatiga ega.