Ҳ и к м а т л а р ўзбекистон президенти ислом каримовнинг ҳикматли сўзларидан

Бешта нарсадан олдин бешта нарсани ғанимат билинг:

• 
  ўлимдан олдин тирикликни,
  
• 
  бетобликдан олдин саломатликни
  
• 
  бандликдан олдин бўш вақтни,
  
• 
  кексаликдан олдин ёшликни,
  
• 
  фақирликдан олдин бойликни.
  

“ОТАЛАР СЎЗИ”ДАН

• 
  Дунё сафоси билан, дўст вафоси билан гўзал,
  

• 
  Ўз дўстининг айбини очиб юрган киши разил кишидир.
  

• 
  Ёмон одамга йўлдош бўлгандан кўра, ўтда куйган яхши.
  

• 
  Танқид бўлмаган ерда юксалиш ҳам бўлмайди.
  

• 
  Сўз - ақлнинг тарозусидур.
  

• 
  Сўз борки, тоққа кўтаради, сўз борки, ғорга итаради.
  

• 
  Сўз - ақл ўлчовидир.
  

ҚОБУСНОМАДАН: АНУШИРАВОН ПАНДЛАРИ


Эй фарзанд, Ануширавон деди:

• 
  “Ҳунарсиз киши била дўстлик қилмагил, нединким, бундай киши дўстлик ва душмандликка лойиқ эрмасдур”.
  
• 
  “Ўзини доно санаган нодондан парҳез қилгил”.
  
• 
  “Ҳар кишининг (билими) бўлса-ю, аммо унга лойиқ ақли бўлмаса, бу билим унга зарар еткаргусидур”.
  
• 
  “Агар ҳар кишининг турмуш устози доно этмаса, ҳеч бир доно унга сўз ўргатиш учун ранж чекмасун, ранжи зое бўлур”.
  
• 
  “Агар халқ сенинг ҳаққингдан яхши сўз айтарин тиласанг, халқ ҳақида яхши сўз айтил”.
  
• 
  “Агар ёру дўст бўлмоқни тиласанг, сергиналик бўлмагил”.
  
• 
  “Агар ғамсиз бўлмоқ тиласанг, ҳасадлик бўлмагил”.
  
• 
  “Агар ранжишдин узоқ бўлишни истасанг, битмайдигон иш учун уринмагил”.
  
• 
  “Агар сени девона демасунлар десанг, топилмас нарсани ахтармагил”.
  
• 
  “Агар беобру бўлмайин десанг, яхшиликни касб қилгил”.
  
• 
  “Агар шармисор бўлмайин десанг, қилмаган ишни қилдим дема”.
  
• 
  “Агар ўз сирингни очилишини истамасанг, бировнинг сирини фош қилмагил”.
  
• 
  “Агар юзимнинг пардаси йиртилмасин десанг, бировнинг юз пардасин йиртмагил”.
  
• 
  “Узоқ пушаймонликдин холис бўлмоқ тиласанг, юзингни халқнинг кўзгусида кўргил”.
  
• 
  “Агар халқ сенинг сўзинг била иш қилмоғин тиласанг, сен ўз сўзинг била иш қилгил”.
  
• 
  “Агар барча одамдин юқори бўлмоқ тиласанг, вафолиғ бўлгил”.
  
• 
  “Агар айбсизлар қаторида бўлмоқликни тиласанг, тамани кўнгилга келтурмагил”.
  
• 
  “Агар халойиқнинг ёмон сўзларидин йироқ бўлмоқ тиласанг, улардин зўрлик била ҳеч нарса олмагил”.
  
• 
  “Агар халойиқнинг севимлиси бўлмоқ тиласанг, улардин ҳеч нимани аямагил”.
  
• 
  “Агар тилинг узун бўлмоқни тиласанг, қўлингни қисқа қилгил.