§. Massivlar. 2-§. Foreach operatori

Bir o`lchovli massivni e`lon qilinishi.
1-holat:
Tip[] nom;
Nom=new tip[elelmentlar soni];
Bu yerda tip massiv elementlari tipi, nom massiv nomi, elementlar soni esa massiv ro`yhatidagi elementlar sonini anglatadi. Birinchi qatorda berilgan tipdagi berilgan nomdagi bir o`lchamli massiv e`lon qilinmoqda. Ikkinchi qatorda esa new operatori orqali berilgan elementlar soni ta massiv elementlari hosil qilinadi. Demak, birinchi qatorda massiv e`lon qilinayotgan bo`lsa ikkinchi qatorda massiv elementlari hosil qilinmoqda.
yoki
2-holat:
Tip[] nom=new tip[elementlar soni];
bu holat yuqoridagi kabi massiv bir qatorda berilgan, ya`ni bu qatorda ham massiv e`lon qilinyapti, ham uning elementlari hosil qilinmoqda.
1-holatga misol:
int[] a;
a=new int[5];
2-holatga misol:
int[] a=new int [5];
har ikki holatda ham qiymati butun tipli 5ta elementli bir xil massiv e`lon qilingan. Demak, keltirilgan massiv elelemtnlari: a[0], a[1], a[2], a[3], a[4].
Izoh: Massiv indeksi har doim 0 dan boshlanadi. Yuqoridagi massivda elementlar soni 5 ta. Lekin oxirgi element a[4]. Bu misolda a[5] element y`oq. Chunki massiv elementlari indeksi 0 dan boshlanib, 4 da tugagan.
Bir o`lchovli massivlar
Odatda massivlar zarurat, katta hajmdagi tartiblangan, lekin chekli elementga oid masalalarni hal etishda yuzaga keladi. Dastur ishlatilishi davomida massivlar aniq nomga ega bo`lishi va uning elementlari ma`lum bir turda bo`lishi kerak. Bir o`lchovli massivlar kompyuter xotirasiga quyidagi shaklda saqlanadi.
Massiv tarkibida elementlar mavjud bo`ladi. Massivning eng ko`pi bilan ketishi mumkin bo`lgan elementlar soni uning o`lchamini bildiradi. Massivning elementi turgan o`rni uning indeksi deyiladi. Massivning elementiga uning indeksi orqali murojaat qilinadi. Massivning indeksi sifatida butun sonlar xizmat qiladi. Har bir massiv o`zining individual nomiga ega bo`lishi kerak, ya`ni bir xil nomdagi massivlar bo`lmaydi. Ularning nomi oldin e`lon qilingan oddiy o`zgaruvchi nomi bilan ustma –ust tushmasligi kerak.