& Tildin` ja`miyetlik xιzmeti

Da`nekerli dizbekli qospa ga`p
Da`nekerli dizbekli qospa ga`ptin` quramιndag`ι jay ga`pler bir-biri menen dizbeklewshi da`nekerler arqalι baylanιsadι Dizbeklewshi da`nekerler jay ga`plerdi o`z ara ma`nide baylanιstιradι. Da`nekerli dizbekli qospa ga`pler da`nekerlerdin` baylanιstιrιwshιlιq xιzmeti ha`m ma`nisine qaray ,da`nekerli mezgilles dizbekli qospa ga`p da`nekerli qarsιlas dizbekli qospa ga`p ,da`nekerli awιspalι dizbekli qospa ga`p ha`m da`nekerli gezekles dizbekli qospa ga`p bolιp to`rtke bo`linedi.
1 Da`nekerli mezgilles dizbekli qospa ga`p
Da`nekerli mezgilles dizbekli qospa ga`ptin` quramιndag`ι jay ga`pler bir-biri menen da/de/,ta/te,ha`m/,ja`ne tag`ι ,al biriktiriwshi da`nekerleri arqalι baylanιsadι.
Da/de,ta/te,ha`m ,tag`ι ,ja`ne ,al da`nekerleri eki jay ga`ptin` arasιnda kelip te yamasa ha`r birj ay ga`p penen qaytalanιp ta qollanιladι.Biriktiriwshi da`nekerlerden ja`ne,al da`nekeri ko`binese eki jay ga`ptin` arasιnda baylanιstιrιwshιlιq xιzmet atqaradι.
Biriktiriwshi da`nekerler arqalι baylanιsqan mezgilles dizbekli qospa ga`pler de da`nekersiz mezgilles dizbekli qospa ga`pler sιyaqlι ma`nilik jaqtan bir waqιtlι ha`m izbe-izli islengen is-ha`reket,waqιyalardιn` waqιtlιq mezgillesligin bildiredi.Mιsalι
Bir waqιtlι mezgilles:1.Bug`an o`zleri tu`sinip u`nsiz mιyιq tartιp ku`listi de, balanιn` basιnan ekewi ten` sιypap sa`lemlesti.Qιrman da kewip qaldι,paxtanιn` japιrag`ι da tu`sirildi.Endi ol eplep turιwdι oyladι ha`m qarmalanιp ju`rip sho`ptin` bir putag`ιna qolι tiydi.Asqar jerge tu`siwge shulg`ιdι,al Muratov bolsa onιn` u`yine qoy aydap qaytιw mu`mkinshiligin eslep tιnιshsιzlandι.
Izbe-izli mezgilles .1.Altι shopan bag`ana qoylardι jayιp ketti de,Erpolat da`rkar wa`jlerdi alιp keyninen jetpekshi bolιp qalιp edi.Sol waqιtta jay jang`an ottιn` ushqιnι jalιng`a aynaldι,al jalιnnan o`rt payda boldι.